उपराष्ट्रपतिमा ममता झालाई उठाउने जनमत पार्टीको निर्णय

काठमाडौं । जनमत पार्टीले उपराष्ट्रपति आफूले पाउनु पर्ने दावी गर्दै ममता झाको नाम अघि सारेको छ । सदभावना पार्टीबाट राजनीति सुरु गरेकी ५३ वर्षीय झा जनमत पार्टीकी सप्तरी जिल्ला इञ्जार्ज हुन् ।उनी स्थानीय तह चुनावमा राजविराज नगरपालिकाको मेयरमा उम्मेदवार थिइन् ।

जनता समाजवादी पार्टी जसपा नेपालले पनि उपराष्ट्रपतिमा दाबी गर्दै आएको छ । उसले बारा २ बाट प्रतिनिधि सभा सदस्य निर्वाचित रामसहायप्रसाद यादवलाई उम्मेदवार बनाउने निर्णय गरेको छ । यस्तै नागरिक उन्मुक्ति पार्टीले पनि उमेर नै नपुगेकी रञ्जिता श्रेष्ठलाई उपराष्ट्रपतिको उम्मेदवार बनाउने निर्णय गरेको थियो ।