एमाले संसदीय दलको बैठक बस्दै

काठमाडौं । नयाँ वानेश्वरस्थित संसद भवनकै ल्होत्से हलमा नेकपा एमालेको संसदीय दलको बैठक बस्दैछ । प्रधानमन्त्री प्रचण्डले विश्वासको मत लिनु अगाडि एमाले संसदीय दलको बैठक बस्दैछ ।

गत पुस १० गते प्रधानमन्त्री नियुक्त भएका प्रचण्डले पुस २६ गते विश्वासको मत लिएका थिए । त्यतिबेला संसद बैठकमा उपस्थित २७० सांसदहरुमध्ये प्रचण्डले २६८ मत पाएका थिए ।

सोमबार दिउँसो १ बजे प्रतिनिधिसभाको बैठकमा प्रधानमन्त्री पुष्पकमल दाहाल प्रचण्डले विश्वासको मत लिँदैछन् । सत्ता समीकरण फेरिएसँगै एमाले र राप्रपाले सरकारको समर्थन फिर्ता लिँदै सरकारबाट बाहिरिएकाले प्रचण्डले पुनः विश्वासको मत लिन लागेका हुन् ।