Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारविवादास्पद रुपेश पाण्डेलाई सीआईबीको संरक्षण !

विवादास्पद रुपेश पाण्डेलाई सीआईबीको संरक्षण !


काठमाडौं । छोटो समयमा धनी बनेका विवादास्पद छविका रुपेश पाण्डेलाई नेपाल प्रहरीको केन्द्रीय अनुसन्धान ब्युरो(सीआईबी)का प्रमुख उत्तम सुवेदीले संरक्षण गरेको पाइएको छ ।

गत वर्ष कान्तिपथमा रहेको ग्रीनलाइन नामको विदेशी मदिरा बेच्ने पसलमा भएको बैंकको तालाबन्दी काण्डमा मुछिएका पाण्डेले सशस्त्र प्रहरीका तत्कालीन महानिरीक्षक शैलेन्द्र खनालको स्रोत नखुलेको रकम बिचौलिया बनेर लगानी गरेको र मदिरा पसलका सञ्चालकसँग भारतमा लेनदेन भएपछि विवाद सल्टिएको निकै चर्चा चले पनि त्यस विषयमा सरोकारवाला निकायहरुले छानबिनका लागि अहिलेसम्म खासै चासो दिएका छैनन् । प्रहरी प्रशासनले छानबिनका लागि चासो नदिनुको कारण पाण्डेले सीआईबीलगायत प्रहरी प्रशासनमा रहेको साँठगाँठ नै मुख्य रहेको छ ।

बारा पर्साको सीमा क्षेत्रबाट प्रहरी प्रशासनसँगको मिलेमतोमा साइकलमा बोकी सामान ओसार्दा ओसार्दै रातारात धनी बनेका पाण्डे नेपालमा छिटो धनी हुने व्यक्तिहरुको सूचीमा अग्रणी मानिन्छन् र तिनै विवादास्पद व्यक्ति पाण्डेलाई अनियमितताको अनुसन्धान गर्ने प्रहरीको आधिकारिक निकाय सीआईबीका प्रमुख सुवेदीले काखी च्याप्नुलाई निकै रहस्यमय मानिएको छ । पाण्डे र सीआईबी प्रमुख सुवेदीबीचको अस्वाभाविक हिमचिम देखेर सीआईबीकै अन्य अधिकारीहरु आफैँ लज्जित हुने गरेको समाचार स्रोतको दाबी छ ।


क्याटेगोरी : समाचार
ट्याग : #Page 1

तपाईको प्रतिक्रिया