Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचाररास्वपाको गठबन्धन नगरी उपनिर्वाचन लड्ने निर्णय

रास्वपाको गठबन्धन नगरी उपनिर्वाचन लड्ने निर्णय


काठमाडौं । आगामी वैशाख १० गते हुने उपनिर्वाचनमा राष्ट्रिय स्वतन्त्र पार्टी (रास्वपा)ले गठबन्धन नगरी चुनाव लड्ने निर्णय गरेको छ ।

राष्ट्रिय स्वतन्त्र पार्टीको शुक्रबार बसेको केन्द्रीय समिति बैठकले चितवन क्षेत्र नं. २, तनहुँ क्षेत्र नं. १ र बारा क्षेत्र नं. २ मा गठबन्धन नगरी एक्लै उम्मेदवारी दिने निर्णय भएको रास्वपा उपसभापति एवं संसदीय दलका नेता डोलप्रसाद अर्यालले जानकारी दिएका छन् ।

रास्वपाको उक्त बैठकले उपनिर्वाचनका लागि प्रारम्भिक निर्वाचन प्रक्रिया सुरु गर्ने र तीन वटै क्षेत्रमा निर्वाचन परिचालन समिति गठन गर्ने निर्णयसमेत गरेको छ । निर्वाचन परिचालन समितिका लागि तनहुँमा पार्टीका सहमहामन्त्री कविन्द्र बुर्लाकोटी, चितवनमा उपसभापति अर्याल र बारामा गणेश कार्कीलाई संयोजक तोकिएको रास्वपाले जनाएको छ ।


क्याटेगोरी : समाचार

तपाईको प्रतिक्रिया