गृह जिल्लामा उपराष्ट्रपति यादवलाई भव्य स्वागत

कलैया । उपराष्ट्रपति रामसहायप्रसाद यादव आइतबार आफ्नो गृह जिल्ला बारामा आएका छन् । उनलाई गृह जिल्ला बारामा भव्य स्वागत गरिएको छ । उपराष्ट्रपति भएपछि उनी पहिलो पटक गृहजिल्ला आएकोहुँदा उनलाई सिमरा विमानस्थलमा भव्य स्वागत गरिएको हो ।

उपराष्ट्रपति यादवलाई मधेस प्रदेशका मुख्यमन्त्री सरोजकुमार यादव, जसपाका मधेस प्रदेश अध्यक्ष रामबाबुकुमार यादव, प्रदेश सरकाका अर्थमन्त्री सञ्जय यादव, नेपाली कांग्रेस मधेस प्रदेशका उपसभापति चन्द्रशेखरकुमार यादव, संविधानसभा सदस्य प्रमोद गुप्ता, पूर्व मन्त्री, सङ्घीय सांसद, प्रदेशसभा सदस्य, सुरक्षा निकायका प्रमुखलगायतकाले सिमरा विमानस्थलमा स्वागत गरेका थिए ।

जिल्लामा उनी दुई दिन बस्ने भएका छन् । यहि दुइदिनको बसाइमा उनी जिल्लाको विभिन्न ठाउँमा आयोजना गरिने स्वागत तथा सम्मान कार्यक्रममा सहभागी हुने निमित प्रमुख जिल्ला अधिकारी कृष्णप्रसाद अचार्यले बताएका छन् ।