जिल्लाभर ४८ थान पीपीई

दोलखा,तैच १४

जिल्ला प्रशासन कार्यालय दोलखाले कोरोना भाइरसको संक्रमित बिरामी देखा परेमा उनीहरूको उपचार तथा संक्रमणको परिक्षणका लागि आवश्यक सामग्रीको संकलन गर्न थालेको छ । दोलखामा हालसम्म ४८ थान पीपीई भित्रिएका छन् । तर, यो प्रयाप्त मात्रामा नभएको जिल्ला प्रशासन कायालयले जनाएको छ । जिल्ला प्रशासन कार्यालयले बुधबार र बिहीबार जिल्लाभित्र कोरोना संक्रमण रोकथामका लागि स्थानीय तहले गरेका कामहरूको संकलन गरेको छ । जिल्लामा दुई नगरपालिका र सात गाउँपालिका गरी नौ स्थानीय तह रहेका छन् । जिल्लामा आवश्यक पर्ने स्वास्थ्य सामग्री लिनकै लागि भनेर दोलखाका स्वास्थ्य प्रमुख विभुकुमार झा करिब एक साता अगाडि काठमाडौँमा पुगेका थिए । उनी बुधबार मात्रै जिल्ला फर्केका हुन् । उनले धेरै कोसिस गर्दा पनि अत्यावश्यक स्वास्थ्य सामग्री पाउन नसकेको चिन्ता व्यक्त गरे । त्यसैगरी जिल्लाका सबै स्थानीय तहले आइसोलेसन निर्माण कार्य अन्तिम चरणमा पु¥याएका छन् । जिल्लाभर हालसम्म ५९ वटा आइसोलेसन र दुई सय १० वटा क्वारेन्टाइन निर्माण भएका छन् ।

कोरोना भाइरसको संक्रमणको खतरालाई ध्यानमा राखेर जिल्लाका स्थानीय तहले बिहीबारसम्म उक्त संख्यामा आइसोलेसन र क्वारेन्टाइन निर्माण गरिसकेको दोलखाका प्रमुख जिल्ला अधिकारी भीमकान्त शर्माले जानकारी दिए । शर्माका अनुसार दोलखामा नन कन्ट्याक्ट थर्मल गन २० वटा भित्रिएका छन् । जिल्लामा धेरै बिरामी ल्याउने ठाउँ चरिकोटस्थित चरिकोट अस्पतालमा भने आठवटा आइसोलेसन कक्ष तयारी अवस्थामा राखिएको छ भने क्वारेन्टाइन निर्माण हुने प्रक्रियामा रहेको छ । यस अस्पतालमा हालको लागि भनेर दुईटा पीपीई र दुईवटा थर्मल गन दिएको छ । लकडाउनका समयमा पनि यस अस्पतालमा आकस्मिक सेवाका लागि दैनिक सयको हाराहारीमा बिरामी उपचार गर्न आउने गरेको प्रस्तावित चरीकोट अस्पतालका प्रमुख डाक्टर विनोद दंगालले जानकारी दिए । उनले अत्यावश्यक सामग्री अस्पतालले कमै मात्रमा पाएको गुनासो समेत गरे । साथै गाउँपालिकाहरूले भने आफैँले पीपीई र थर्मल गन किन्ने योजना बनाएको बताउँदै आएका छन् । सबै स्थानीय तहका आ–आप्mनै एम्बुलेन्स पनि रहेका छन् । दोलखामा करिब २७ वटा एम्बुलेन्स तयारी अवस्थामा रहेको जिल्ला प्रशासनले कार्यालयले जनाएको छ ।

क्याटेगोरी : समाचार