प्रतिनिधिसभाको सचेतकमा रुपा सोशी चयन

काठमाडौं । प्रतिनिधिसभाको सचेतकमा नेकपा माओवादी केन्द्रले रुपा सोशी चौधरीलाई चयन गरेको छ । समानुपातिक सांसद चौधरी माओवादी केन्द्रकी केन्द्रीय सदस्य हुन् । उनलाई संसदीय दलका नेता पुष्पकमल दाहाल प्रचण्डले सचेतक मनोनित गरेका हुन् ।

सामान्य पारिवारिक पृष्ठभूमिकी चौधरी सहिद परिवारकी सदस्य हुन् । उनी २०५७ सालदेखि माओवादीको पूर्णकालीन कार्यकर्ता बनेर जनमुक्ति सेनामा थिइन् ।

यसअघि चौधरी २०६४ को निर्वाचनमा कैलाली क्षेत्र नम्बर १ बाट निर्वाचित भएकी थिइन् । यसपटक समानुपातिक निर्वाचन प्रणालीतर्फबाट प्रतिनिधिसभा सदस्यमा निर्वाचित भएकी हुन् ।