धनगढी,चैत १७
विश्वव्यापी रूपमा फैलिएको कोरोना भाइरस (कोभिड–१९) को सन्त्रासले सुदूरपश्चिमका निजी अस्पतालसमेत बन्द भएका छन् । कोरोना भाइरसको रोकथाम तथा नियन्त्रणका लागि सरकाले आह्वान गरेको लकडाउनमा सुदूरपश्चिमका निजी अस्पताल र फार्मेसीहरूसमेत बन्द भएका हुन् । लकडाउनका बेला अस्पताल तथा मेडिकल खोल्न सरकारले आग्रह गरेको छ । तर, सुदुरपश्चिमका सेती प्रादेशिक अस्पताल नजिक रहेका फार्मेसीदेखि लिएर निजी अस्पातलहरू बन्द रहेका छन् । केही निजी अस्पताल खुला रहे पनि बिरामीलाई भर्ना गर्ने गरेका छैनन् । मौसम परिपर्वनसँगै अस्पतालमा बिरामीको चाप बढ्दै गएको छ ।अस्पतालमा कोरोना भाइरसको चेकजाँचका लागि उपकरण नभएकाले भर्ना लिन नमानेको निसर्ग अस्पताल व्यवस्थापन समितिले जनाएको छ । लकडाउनको छैटौँ दिन आइतबार पनि यहाँका सबै अस्पताल तथा मेडिकल पसल बन्द रहेका छन् ।
धनगढीमा एक जना व्यक्तिमा कोरोना संक्रमण देखिएपछि यहाँका सर्वसाधरण तथा डाक्टरहरू घरभन्दा बाहिर निस्कन डराइरहेका छन् । सुदूरपश्चिम प्रदेश सरकारले डाक्टरहरूलाई सुरक्षा कवच पीपीईको व्यवस्थापन नगरेका कारण समस्या परेको सेती प्रादेशिक अस्पतालका एक डाक्टरले बताए । आवश्यक स्वास्थ्य उपकरण नभएका कारण निजी अस्पताल बन्द भएको उनले बताए । सेती प्रादेशिक अस्पतालमा अहिले सात बेडको आइसोलेसन कक्ष छ । ५ जना बढी संक्रमण देखिएमा उपचार गर्न गाह्रो हुने सेती अञ्चल अस्पतालका आकस्मिक कक्ष प्रमुख डाक्टर जगदीश जोशीको भनाइ रहेको छ । ‘हामीसँग, बिरामीको नजिक जान मास्क, तथा गाउन छैन्’, उनले भने, ‘सामग्री अभावमै काम गर्न बाध्य छौँ ।’ प्रदेश सरकराले भारतबाट आएकाहरूलाई निगरानी राख्न स्थानीय तहका जनप्रतिनिधिहरूलाई पत्राचारसमेत गरेको छ । प्रदेश सरकारले बिरामीको स्वास्थ्य परीक्षण गर्न डोटीको बुडर र बैतडीको खोड्पेमा हेल्थ–डेक्स राख्ने तयारी थालेको छ । कैलाली जिल्लाका प्रमुख जिल्ला अभिकारी यज्ञराज बोहराका अनुसार अस्पताल बन्द नगर्न सबैलाई सूचना दिएको बताए ।
क्याटेगोरी : समाचार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया