मिर्चैया बजारका स्थानीयवासीद्वारा प्रदर्शन

सिरहा । शुक्रबार सिरहाको मिर्चैया बजारका स्थानीयवासीले प्रदर्शन गरेर चक्काजाम गरेका छन् । आफूहरूमाथि ज्यादती गरेको भन्दै स्थानीयवासी निरन्तर आन्दोलनमा रहेको मिर्चैयाका नगर प्रमुख श्रवणकुमार यादवले बताए ।

बिहीबार नगर प्रमुख यादवविरुद्ध भएको शान्तिपूर्ण प्रदर्शनका क्रममा प्रहरीले स्थानीयवासीलाई कुटपिट गर्नुका साथै हवाई फायर तथा अश्रुग्याँस प्रहार गरी दमन गरेको आरोप लगाउँदै उनीहरूले शुक्रबार बजार बन्द र चक्काजाम गरेका हुन् ।

बजारमा निस्किएको विरोध जुलुसले नगरका विभिन्न स्थानको परिक्रमा गर्दै मिर्चैयाको कटारी चोकमा पुगेर चक्काजाम गरेको थियो । त्यसक्रममा उनीहरूले टायर बालेर प्रदर्शन पनि गरेका थिए ।