काठमाडौं । कोशी करिडोरअन्तर्गत खाँदबारी किमाथांका सडकको च्याम्ताङ्ग–घोङ्घप्पा खण्डको कडा चट्टानमा नेपाली सेनाले ट्र्याक खोल्न कठिन संघर्ष गरिरहेको छ । सरकारले नेपाली सेनालाई सो सडकको करिब साढे दश किलोमिटर खण्ड ट्र्याक खोल्ने जिम्मा दिएको छ । जिम्मा पाएकोमध्ये चालू आर्थिक वर्षभित्र साढे छ किलोमिटर ट्र्याक खोलिसक्ने सेनाको योजना छ ।
भारतीय सीमा मोरङको रानीदेखि चीनको सीमा क्षेत्र संखुवासभाको किमाथांका जोड्ने कोशी करिडोरको च्याम्ताङ्गको साढे दश किलोमिटर सडक सबैभन्दा जटिल भूगोलमा पर्छ । सोही कारण उक्त खण्डको ट्र्याक खोल्न सरकारले सेनालाई जिम्मा दिएको हो ।
सेनाले उक्त खण्डमा सडकको ट्र्याक खोल्न किन धेरै समय लागिरहेको छ भन्नेबारे जानकारी दिन बिहीबार भौतिक पूर्वाधार तथा यातायात मन्त्रालयका सहसचिव (सुई) भीमार्जुन अधिकारी, सडक विभागका उपमहानिर्देशक रामहरि पोखरेल, रक्षा मन्त्रालयका उपसचिव बद्री प्रसाद अर्याल लगायतको टोलीलाई स्थलगत अवलोकन गराएको थियो ।
भौगोलिक जटिलताको कारण संखुवासभाको सदरमुकाम खाँदबारीबाट ट्याक्टरमा समेत सामान लैजान नसकिने भएको कारण उक्त खण्डमा ट्र्याक खोल्न धेरै संघर्ष गर्नुपरेको उपमहानिर्देशक पोखरेलले जानकारी दिए । ‘ज्यादै जटिल छ । तर, सेनाले संघर्षपूर्ण तरिकाले काम गरेको देखिन्छ’, पोखरेलले भने ।
भारतीय सीमादेखि चीनको सीमा किमाथांकासम्म करिब तीन सय ९० किलोमिटर लामो उक्त सडकको सबैभन्दा जटिल भूगोलमा नेपाली सेनाले ज्यान नै जोखिममा पारेर ट्र्याक खोल्ने काम गरिरहेको छ । उक्त कोशी करिडोरको मोरङको रानीदेखि धरानसम्मको ४९ किलोमिटर सडकलाई छ लेनको फराकिलो बनाउने काम पनि जारी छ । धरानदेखि खाँदाबारीसम्म भने दुई लेनको सडक हुनेछ । रानी–किमाथांका सडकको लागत १० अर्ब ५८ करोड तोकिए पनि समयमा पूरा नहुँदा त्यसको लागत दोब्बर पुग्ने अनुमान छ ।
कोशी करिडोर निर्माण पूरा भएमा नेपालको चीनसँग मात्र होइन भारत र चीनको व्यापार पनि त्यही मार्गबाट हुने देखिन्छ । किनकि चीनले किमाथांकाको पारी आफ्नो भूमिमा सडक स्तरोन्नति गरिसकेको छ । यो मार्ग सञ्चालनमा आउनसके पूर्वी नेपाललाई चीनसँगको व्यापारका लागि अन्य नाका तथा मार्ग प्रयोग नै गर्नुपर्दैन ।
क्याटेगोरी : समाचार
ट्याग : #Page 1
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया