सुरेन्द्र आचार्यद्वारा पदभार ग्रहण

काठमाडौँ । नेपाली कांग्रेसका सुरेन्द्र आचार्यलाई प्रधानमन्त्री पुष्पकमल दाहाल प्रचण्डले मन्त्री नियुक्त गरेका छन् । नवनियुक्त आचार्यले महिला बालबालिका तथा ज्येष्ठ नागरिक मन्त्रीको पदभार ग्रहण गरेका छन् । राष्ट्रपति भवनमा आयोजित विशेष समारोहमा नवनियुक्त मन्त्री आचार्यलाई आइतबार दिउँसो राष्ट्रपति रामचन्द्र पौडेलले शपथ खुवाएका थिए ।

प्रधानमन्त्री प्रचण्डले नेपाली कांग्रेसको सिफारिसमा आचार्यलाई महिला, बालबालिका तथा ज्येष्ठ नागरिक मन्त्रालयको जिम्मा दिएका छन् । यसअघि सो मन्त्रालयको जिम्मेवारी महिन्द्रराय यादवले पाएका थिए । यादवको मन्त्रालय हेरफेर भएर उनी अहिले खानेपानी मन्त्रालयमा पुगेका छन् ।

राष्ट्रपति रामचन्द्र पौडल निकट मानिने आचार्य यसअघि सिंचाइ राज्यमन्त्रीसमेत बनेका थिए । नवनियुक्त कपिलवस्तु क्षेत्र नम्बर २ बाट मन्त्री आचार्य विजयी भएका थिए ।