वैदेशिक रोजगार बीमामा आकर्षण बढ्दो

काठमाडौं । वैदेशिक रोजगार बीमामा सर्वसाधारणको आकर्षण बढ्दै गएको छ । नेपाल बीमा प्राधिकरणका अनुसार चालू आर्थिक वर्षको चैत मसान्तसम्म जीवन बीमा कम्पनीहरुले कुल १४ लाख ५९ हजार तीन सय १५ वटा वैदेशिक रोजगार बीमालेख जारी गरेका छन् । यो संख्या गत आर्थिक वर्षको सोही अवधिको तुलनामा ७१ दशमलव १२ प्रतिशतले बढी हो । प्राधिकरणका अनुसार गत आर्थिक वर्षको सोही अवधिसम्ममा बीमा कम्पनीहरुले जारी गरेको कुल वैदेशिक रोजगार बीमालेखको संख्या आठ लाख ५२ हजार आठ सय २७ थियो ।

चालू आर्थिक वर्षको चैत मसान्तसम्म वैदेशिक रोजगार बीमालेख जारी गरेका १२ वटा कम्पनीहरुले कुल १४ लाख ५९ हजार तीन सय १५ वटा बीमालेखबाट दुई अर्ब ४७ करोड ९५ लाख ३३ हजार रुपैयाँ बीमा शुल्क आर्जन गरेका छन् । जसमध्ये ५८ हजार चार सय ५३ वटा वैदेशिक रोजगार बीमालेख हुन् भने यसबाट बीमा कम्पनीहरुले कुल २४ करोड ८२ लाख १५ हजार रुपैयाँ बीमा शुल्क आर्जन गरेका छन् ।

प्राधिकरणका अनुसार चालू आर्थिक वर्षको चैत मसान्तमा नेशनल लाइफ इन्स्योरेन्स कम्पनीले चार हजार नौ सय ३७ वटा बीमालेखमार्फत दुई करोड आठ लाख ११ हजार रुपैयाँ बीमा शुल्क आर्जन गरेको छ । यस्तै नेपाल लाइफ इन्स्योरेन्स कम्पनीले १६ हजार पाँच सय ६२ वटा बीमालेखमार्फत सात करोड ४८ लाख ९४ हजार रुपैयाँ बीमाशुल्क आर्जन गरेको छ । लाइफ इन्स्योरेन्स कर्पोरेसन (नेपाल) लिमिटेडले कुनै पनि किसिमको वैदेशिक रोजगारसम्बन्धी बीमालेख जारी गरेको छैन भने आईएमई लाइफ इन्स्योरेन्स कम्पनीले १० हजार सात सय ४३ वटा बीमालेखमार्फत चार करोड ३० लाख ९० हजार रुपैयाँ बीमा शुल्क आर्जन गरेको छ ।

प्राधिकरणका अनुसार सन नेपाल लाइफ इन्स्योरेन्स कम्पनीले १४ हजार एक सय ९७ वटा बीमालेखमार्फत पाँच करोड ९५ लाख १४ हजार रुपैयाँ बीमाशुल्क आर्जन गर्दा रिलायन्स लाइफले पाँच सय ७२ वटा बीमालेखमार्फत २३ लाख ९१ हजार रुपैयाँ बीमाशुल्क आर्जन गरेको छ । रिलायबल नेपाल लाइफ इन्स्योरेन्स कम्पनीले चार हजार दुई सय ४२ बीमालेखमार्फत एक करोड ७६ लाख ४३ हजार रुपैयाँ बीमाशुल्क आर्जन गर्दा सिटिजन लाइफ इन्स्योरेन्स कम्पनीले दुई हजार आठ सय ३८ बीमालेखमार्फत एक करोड १९ लाख ८९ हजार रुपैयाँ बीमा शुल्क आर्जन गरेका छन् । यसैगरी सानिमा लाइफले ७७ वटा बीमालेख जारी गरी तीन लाख १५ हजार रुपैयाँ बीमाशुल्क आर्जन गर्दा प्रभु लाइफले एक सय ६५ वटा बीमालेख जारी गरी छ लाख ८३ हजार रुपैयाँ बीमाशुल्क आर्जन गरेको छ ।

सूर्यज्योति लाइफले दुई हजार पाँच सय ९५ वटा बीमालेखमार्फत एक करोड छ लाख १५ हजार रुपैयाँ बीमा शुल्क आर्जन गर्दा सानिमा रिलायन्स लाइफ इन्स्योरेन्स कम्पनीले एक हजार पाँच सय २५ बीमालेखमार्फत ६२ लाख ६९ हजार रुपैयाँ बीमा शुल्क आर्जन गरेको छ ।