विज्ञापनमा एकद्वार नीति विरुद्ध आन्दोलनको घोषणा
काठमाडौं । नेपाल विज्ञापन संघ (आन)ले सरकारले प्रस्ताव गरेको विज्ञापनमा एकद्वार नीतिको विरुद्धमा श्रृंखलाबद्ध विरोध कार्यक्रमको घोषणा गरेको छ । आनले बुधबार काठमाडौंमा एक कार्यक्रम आयोजना गरी विज्ञापन नीतिको विरोधमा श्रृखलाबद्ध विरोध कार्यक्रमको घोषणा गरेको हो ।
आनका अध्यक्ष सोमप्रसाद धितालले विरोध कार्यक्रम विज्ञापनमा एकद्वार नीतिको विरुद्ध रहेको बताए । उनले देश आर्थिक रुपमा कमजोर रहेको अवस्थामा ठूल–ठूला मुद्दालाई समाधान गर्नुको सट्टा सरकार विज्ञापन नीतिमा अल्झेर बसेको आरोप लगाए । अध्यक्ष धितालले सञ्चारजगत, विज्ञापनदाता र विज्ञापन व्यवसायीलाई ऐक्यबद्धताको लागि आव्हानसमेत गरे ।
आनका निवर्तमान अध्यक्ष रविन्द्रकुमार रिजाल (शशी) ले नेपाल खुला बजार अर्थतन्त्रमा प्रवेश गरिसकेको अवस्थामा कसैको पनि स्वतन्त्र रुपमा गरिने व्यापार व्यवसायलाई अंकुश लगाउन नहुने बताए ।
यसैबीच आनले विज्ञापन बोर्डको कार्यालय बबरमहलमा ताला लगाएको जनाएको छ । तीनकुनेबाट निस्केको आनको ¥याली बबरमहल पुगेको थियो । सरकारी विज्ञापनमा एकद्वार खारेज गर, सञ्चार माध्यमको दररेट कायम गर, विज्ञापन बोर्ड विज्ञापन बाँडने अखडा हैन, विज्ञापनमा पारदर्शिता लागू गर, विज्ञापन आचार संहिता लागू गर, विज्ञापन बोर्डमा संघको प्रतिनिधित्व सुनिश्चित गर भन्दै जुलुश माइतीघर मण्डलामा गएर कोणसभामा परिणत भएको थियो । आफूहरुको माग सम्बोधन नहुँदासम्म आन्दोलनलाई चरणबद्ध रुपमा सशक्त बनाई अगाडि बढाउने निर्णय आनले गरेको छ ।
आनले विज्ञापन बोर्डमार्फत् विज्ञापन बाँड्ने एकद्वार नीति लागू गर्ने, विज्ञापन वितरणमा एजेन्सीको भूमिका नराख्ने, बोर्डमा संघको संस्थागत प्रतिनिधित्व नहुने, विषयमा सञ्चार तथा सूचना प्रविधिमन्त्री, अर्थमन्त्री र गृहमन्त्रीलाई भेटेर ज्ञापनपत्रसमेत बुझाएको थियो ।
क्याटेगोरी : समाचार
ट्याग : #Page 9
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया