बीपीडब्लु लघुवित्तको तेस्रो त्रैमासिक नाफा ४९ लाख रुपैयाँले ऋणात्मक

काठमाडौं,बीपीडब्लु लघुवित्त वित्तीय संस्थाले चालु आर्थिक वर्षको तेस्रो त्रैमासिक अवधिमा ४९ लाख २१ हजार रुपैयाँ खुद नोक्सानी व्यहोरेको छ । गत आ.व.को सोही अवधिमा भने संस्थाको यस्तो नाफा २६ लाख ९५ हजार रुपैयाँ रहेको थियो ।
हाल चुक्तापुँजी तीन करोड रुपैयाँ रहेको संस्थाले चालु आ.व.को तेस्रो त्रैमासमा चार करोड ८१ लाख ६५ हजार रुपैयाँ निक्षेप संकलन गरी १८ करोड ६३ लाख ५८ हजार रुपैयाँ कर्जा प्रवाह गरेको छ । सो अवधिमा ४६ लाख ६२ हजार रुपैयाँ खुद नोक्सानी व्यहोरेको संस्थाको प्रोभिजन रकम ८० लाख ६८ हजार रुपैयाँ रहेको छ भने निष्क्रिय कर्जाको अनुपात चार दशमलव ८८ प्रतिशत रहेको छ ।

गत आ.व.को सोही अवधिमा भने संस्थाले चार करोड २२ लाख ६६ हजार रुपैयाँ निक्षेप संकलन गरी २० करोड ५१ लाख ८० हजार रुपैयाँ कर्जा प्रवाह गरेको थियो । उक्त अवधिमा ९५ लाख ५९ हजार रुपैंयाँ खुद ब्याज आम्दानी गरेको संस्थाको प्रोभिजन रकम ७७ लाख ३९ हजार रुपैयाँ रहेको थियो भने निष्क्रिय कर्जाको अनुपात चार दशमलव ७६ प्रतिशत रहेको थियो ।