Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठनेपालकामीरिता शेर्पा २८औँ पटक सगरमाथाको चुचुरोमा

कामीरिता शेर्पा २८औँ पटक सगरमाथाको चुचुरोमा


काठमाडौं,पर्वतारोही कामीरिता शेर्पाले २८ औँ पटक सगरमाथाको सफल आरोहण गरेका छन् । उनले आफ्नै रेकर्ड तोडेर सगरमाथा आरोहणमा नयाँ कीर्तिमान कायमसमेत गरेका छन् ।

कामीरिता मंगलबार बिहान ९ः२३ बजे सगरमाथाको चुचुरोमा पुगेसँगै उनले यसअघिको सबैभन्दा बढी पटक सगरमाथा आरोहण गर्ने आफ्नै कीर्तिमान तोडेका हुन् । यो वर्षको वसन्त ऋतुमा उनको यो दोस्रो पटकको आरोहण हो । यसअघि जारी सिजनमा यही मे १७ मा उनले २७ औँ पटक सगरमाथा आरोहण गरेका थिए ।

कामीरिताले सन् २०२२ को वसन्त आरोहणमा रोप फिक्सिङका क्रममा २६औँ पटक सगरमाथाको आरोहण गरेका थिए । खुम्बु पासाङ ल्हामु गाउँपालिकाको थामेका ५३ वर्षीय कामिरिताले सबैभन्दा धेरैपटक सगरमाथा आरोहणसँगै आठपटक चोयु, तीनपटक मनास्लु, एकपटक ल्होत्से, केटु आरोहण एक गरी ४० पटक विश्वका अग्ला हिमालको आरोहण गरिसकेका छन् ।

सन् १९९४ मे १३ मा पहिलोपटक सगरमाथाको चुचुरोमा पुगेका कामीरिताको नाममा आठ हजार मिटर अग्ला शिखरमा सबैभन्दा बढी आरोहण गरेको कीर्तिमान छ ।


क्याटेगोरी : नेपाल, समाचार

तपाईको प्रतिक्रिया