रुकुमपश्चिममा जिप दुर्घटना : चार जनाको मृत्यु, आठ घाइते

रुकुमपश्चिमको बाँफिकोट गाउँपालिका–८ दुलीमा आज भएको जिप दुर्घटनामा परेर चार जनाको मृत्यु मएको छ,भने आठजना गम्भीर घाइते भएका छन् । मृत्यु हनेमा दुर्घटनामा परेर सानीभेरी गाउँपालिका -५ का देउचन खत्री, सोही वडाका कर्ण बहादुर बाठा, बाँफिकोट गाउँपालिका -८ की रेखा खत्री र उनका छोराको घटनास्थलमै मृत्यु भएको छ ।

घाइते मध्ये कहिलाई उपचारका लागि केहीबेर अघि हेलिकोप्टरमा बाँकेको नेपालगन्ज लगिएको छ । अन्य घाइतेलाई जिल्ला अस्पताल सल्ले ल्याइएको छ । जिपमा १५ जना सवार थिए ।

सानीभेरी गाउँपालिका–५ मेलचौरबाट दुली हुँदै जिल्ला सदरमुकाम खलङ्गा जाँदै गरेको लु१ज १७४७ नम्बरको जिप दुलीको मोतिखोलामा दुर्घटना भएको हो । जिप सडकबाट करिब चार सय मिटर तल खसेको बताइएको छ । घटनाबारे पुरा विवरण आउन बाकि रहेको छ ।