फरवार्ड माइक्रोफाइनान्सको नाफा चार करोड ३६ लाख

काठमाडौं । फरवार्ड माइक्रोफाइनान्स लघुवित्त वित्तीय संस्थाले चालु आर्थिक वर्षको तेस्रो त्रैमासिक अवधिमा चार करोड ३६ लाख ३० हजार आठ सय छ रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा ६७ करोड ६४ लाख ५० हजार छ सय ७२ रुपैयाँ रहेको थियो ।

हाल चुक्ता पुँजी एक अर्ब पाँच करोड ५५ लाख ६३ हजार सात सय ३४ रुपैयाँ रहेको संस्थाले चालु आवको तेस्रो त्रैमासमा आठ अर्ब ४५ करोड एक लाख २० हजार एक सय ६७ रुपैयाँ निक्षेप संकलन गरी १९ अर्ब ५४ करोड ५९ लाख ८६ हजार तीन सय ७१ रुपैयाँ कर्जा प्रवाह गरेको छ । सो अवधिमा ७३ करोड २६ लाख ९९ हजार चार सय तीन रुपैयाँ खुद ब्याज आम्दानी गरेको संस्थामा पाँच दशमलव ८८ प्रतिशत कर्जा निष्क्रिय रहेको छ भने स्प्रेडदर चार दशमलव ५५ प्रतिशत रहेको छ ।

गत आवको सोही अवधिमा भने संस्थाले सात अर्ब ६८ करोड ४१ लाख २५ हजार ६६ रुपैयाँ निक्षेप संकलन गरी २० अर्ब २१ करोड ७६ लाख ६८ हजार २३ रुपैयाँ कर्जा प्रवाह गरेको थियो । उक्त अवधिमा एक अर्ब सात करोड ७९ लाख ५० हजार छ सय नौ रुपैयाँ खुद ब्याज आम्दानी गरेको संस्थामा एक दशमलव ८६ प्रतिशत कर्जा निष्क्रिय रहेको थियो भने स्प्रेडदर चार दशमलव ८५ प्रतिशत रहेको थियो ।