‘गणतन्त्रलाई संस्थागत गर्न सबै एकजुट हुनुपर्छ’
काठमाडौं । गणतन्त्रका उपलब्धिलाई संस्थागत गर्दै मुलुकलाई समुन्नतिको मार्गमा डो¥याउन देशका सबै शक्ति एकजुट हुनुपर्नेमा सुशील कोइराला मेमोरियल फाउन्डेसनले जोड दिएको छ ।
गणतन्त्र दिवसका अवसरमा फाउन्डेसनले सोमबार जारी गरेको विज्ञप्तिमा सबै शक्ति सशक्त र संवेदनशील भएर गणतन्त्रलाई संस्थागत गर्नुपर्नेमा जोड दिएको हो । सही सोचका साथ गरिने सही अभ्यासले नै लोकतान्त्रिक गणतन्त्रलाई संस्थागत गर्ने भएकाले यसतर्फ सबैको ध्यान जानुपर्ने फाउण्डेशनका अध्यक्ष एवं नेपाली कांग्रेसका पूर्व महामन्त्री डा. शशाङ्क कोइराला र सदस्य सचिव अतुल कोइरालाद्वारा जारी विज्ञप्तिमा उल्लेख छ ।
राससका अनुसार जनताले छानेका प्रतिनिधि नै राष्ट्राध्यक्ष हुने र जननिर्वाचित प्रतिनिधिबाट शासित हुन पाउने लोकतान्त्रिक अभ्यासको सुन्दर रुप लोकतान्त्रिक गणतन्त्रभन्दा राम्रो व्यवस्था विश्वमै नभएकाले यसलाई संस्थागत गरिनुपर्नेमा फाउन्डेसनले जोड दिएको छ । प्रत्यक्ष निर्वाचनबाट निर्वाचित जनप्रतिनिधिले गर्ने सही अभ्यासले नै यो व्यवस्थालाई संस्थागत गर्दै लैजाने विश्वास लिएको जनाइएको छ ।
आजको युगमा राजनीतिमा निष्ठा, आदर्श र सिद्धान्तको कुरा गर्न जति सहज छ कार्यान्वयन असहज हुने भएकाले सही अभ्यास गरिनुपर्ने विज्ञप्तिमा भनिएको छ । हाल देशमा देखिएको आर्थिक समस्या समाधान गरी सुशासन दिने गरी सरकारले काम गर्नुपर्नेमा विज्ञप्तिमा जोड दिइएको छ ।
क्याटेगोरी : समाचार
ताजा अपडेट
- नयाँ वित्तीय साधनका लागि विश्व बैंकलाई ११ अर्ब अमेरिकी डलर कोष प्राप्त
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया