काठमाडौँ जिल्ला अदालतमा थुनछेक बहस सुरु

काठमाडौँ । जिल्ला अदालतका न्यायाधीश प्रेमप्रसाद न्यौपानेको इजलासमा नेपालीलाई नक्कली भुटानी शरणार्थी बनाएर ठगी गरेको अभियोगमा परेको मुद्दामाथि काठमाडौँ जिल्ला अदालतमा थुनछेक बहस सुरु भएको छ ।

सरकारी वकिलले आइतबार जाहेरीकर्ताको तर्फबाट बहस सुरु गरेका छन् । इजलासमा न्यायाधीश न्यौपानेले जाहेरीकर्ताको तर्फबाट बहसका लागि सरकारी वकिललाई तीन दिनको समय प्रदान गरेका छन् । यस्तै प्रतिवादीको तर्फका वकिललाई ६ दिनको समय तयार गरेका छन् ।

आइतबार अदालतमा नक्कली भुटानी शरणार्थी प्रकरणमा मुछिएका नेकपा एमालेका नेता टोपबहादुर रायमाझी, नेपाली काँग्रेसका नेता बालकृष्ण खाँणसहित १८ जनालाई थुनछेक बहसका लागि काठमाडौँ जिल्ला अदालतमा उपस्थित गराइएको हो ।

हालसम्म पक्राउ परेका सबै १८ जनाको बयान सम्पन्न भएपछि आइतबारदेखि थुनछेक बहस शुरु भएको हो । आरोपीहरुलाई पुर्पक्षमा पठाउने–नपठाउने भन्ने बारेमा थुनछेक बहसपछि क्रमशः आदेश आउनेछ ।