दोलखा,वैशाख १
नयाँ वर्षमा सधैँ चहलपहल र रमझम देखिने दोलखाका पर्यटकीय स्थलहरू यो वर्ष भने सुनसान रहेका छन् । विश्वव्यापी महामारीको रूपमा फैलिरहेको कोरोना भाइरस संक्रमण नियन्त्रण तथा रोकथामका लागि सरकारले गरेको लकडाउनका कारण नयाँ वर्षमा पनि पर्यटकीय स्थलहरू सुनसान भएको हुन् ।
नयाँ वर्षमा सधैँ पर्यटकले भरिभराउ हुने जिल्लाको जिरी, कालिन्चोक, शैलुङ, भीमेश्वर मन्दिर, खरिढङ्गा, विगु गुम्बा, चरीकोटलगायतका पर्यटकीय स्थल सुनसान छन् । यी स्थलहरूका आन्तरिकसँगै बाह्य पर्यटकहरूको आगमन बाक्लो हुनेगरेको थियो । जिरीलाई सगरमाथाको प्रवेशद्धार तथा स्वीजरल्याण्डको जुरिच शहरसँग मिल्दोजुल्दो उपत्यकाको रूपमा चिनिन्छ । यसको अलवा यहाँ रहेको हलेश्वर महादेव, जिरेश्वरी मन्दिर, चेदुर्ङ डाँडाको आफ्नै विशेषता छ ।
जिरी घुम्न नयाँ वर्षको पूर्वसन्ध्यामा गतवर्षहरूमा हजारौँ पर्यटक जिरी आउने गरेको जिरी नगरपालिकाका मेयर टंक जिरेलले बताए । त्यस्तै नयाँ वर्षमा जिल्लामा पर्यटकहरू भित्र्याउन विभिन्न कार्यक्रमको आयोजना हुने गरेको थियो । गत वर्षको नयाँ वर्षमा एकै दिन ३० हजार मानिस कालिञ्चोक घुम्न र कालिन्चोक भगवती मन्दिरमा दर्शन गर्न पुगेका थिए । तर, अहिले फागुनदेखि नै कालिञ्चोक सुनसान छ ।
सरकारले चैतको ११ गतेदेखि लकडाउन गरे पनि उच्च भेगमा कोरोना संक्रमणको जोखिम हुने भन्दै फागुनदेखि नै कालिञ्चोकमा पर्यटक जान छाडेका हुन् । कालिन्चोक, भीमेश्वर तथा खरिढुङ्गा घुम्न आउने पर्यटनले जिल्ला सदरमुकाम चरिकोटका होटलहरूसमेत भरिभराउ हुने गरेका थिए ।
कोरोना भाइरस कहरले आर्थिक मन्दी लागेको क्षेत्रीय होटल संघका अध्यक्ष रञ्चित कुमार पाठकले बताए । विगतका नयाँ वर्षहरूमा जिल्ला घुम्न आउने पर्यटकहरूलाई व्यवस्थापन गर्न धौधौ हुने गरेको पाठक बताउँछन् । ‘अघिल्लो वर्षहरूको वैशाख १ गते कालिञ्चोक घुम्न जाने भनेर मानिसहरू दुई÷चार दिन अघिदेखि नै सदरमुकाम चरीकोट आएर बस्ने गर्थे । चरीकोटमा मानिसको भीडले बजार र होटलहरू खचाखच हुने गरेको देखिन्थ्यो तर अहिले बजार सुनसान छ, होटल पसल बन्द छन् ।
’ दोलखाको कालिञ्चोक र जिरीपछि नयाँ वर्षमा धेरै मानिस पुग्ने ठाउँ शैलुङ हो । शैलुङमा प्राकृतिक सम्पदाको रूपमा सयौं थुम्काहरू रहेका छन् । शैलुङमा हिउँदमा धेरै मानिसको चहलपहल देखिन्छ । गत वर्षको नयाँ वर्षमा करिब पाँच हजार मानिसहरू शैलुङ घुम्न आएको शैलुङ गाउँपालिकाका अध्यक्ष भरत दुलालले बताए ।
उनका अनुसार काठमाडौँ र चरीकोटबाट गत वर्ष करिब पाँच हजार मानिस नयाँ वर्ष मनाउन शैलुङ पुगेका थिए । अहिले भने शैलुङ पनि सुनसान बनेको उनले बताए । कोरोनाका कारण जिल्लालाई लाखौं आर्थिक नोक्सान भएको उद्योग वाणिज्य संघ दोलखाका महासचिव हेमराज रिमालले बताए । जिल्लाभरका दर्जन बढी परिचित पर्यटकीय गन्तव्यहरू कोरोनाले सुनसान बनेको हुँदा जिल्ला भित्रिने पर्यटक शून्य हुँदा लाखौं नोक्सान भएको उनले बताए ।
क्याटेगोरी : समाचार
ताजा अपडेट
- शीतल निवासमा राष्ट्रपतिसमक्ष थारू आयोगको प्रतिवेदन पेस
- पहिलो अन्नपूर्ण प्रथम हिमाल आरोही मौरिस हर्जोगका छोरालाई सम्मान
- सहरी विकासमा युवाको सङ्लग्नता बढाउनु आजको आवश्यकता हो: उपप्रधानमन्त्री सिंह
- ३७ अंकले उक्लियो शेयर बजार
- पाँचखाल नगरप्रमुख खरेलद्वारा तीन वर्षको तलबभत्ता राहत कोषमा सहयोग गर्ने
- जसपा नेपालले पायो अन्तर्राष्ट्रिय सङ्गठन प्रोग्रेसिव अलान्सको सदस्यता
- दसैँ सुरु भएसँगै मानुङकोटमा पर्यटकको चहलपहल
- इरानमाथि आक्रमण गर्ने इजरायलको चेतावनी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया