फास्ट-ट्र्याकको डिजाइन नेपाली सेनाको व्यवस्थापनमा परिवर्तन गरिने

काठमाडौं । निर्माणाधीन राष्ट्रिय गौरव तथा रणनीतिक महत्वको काठमाडौं(तराई द्रुतमार्ग (फास्ट(ट्र्याक) को डिजाइन नेपाली सेनाको व्यवस्थापनमा परिवर्तन गरिने भएको छ । यो आयोजनाको ठेक्का लाग्न बाँकी ठाउँको विस्तृत डिजाइन परिवर्तनका लागि सेनाले परामर्शदाता लगाएर काम गरिरहेको छ।

सेनाका अनुसार डिजाइन परिवर्तनको काम अन्तिम चरणमा पुगेको छ । सेनाका प्रवक्ता कृष्णप्रसाद भण्डारीले नयाँ डिजाइनमा कहाँ के फेरबदल हुने भन्ने विषयमा आफूलाई थाहा नभएको बताए । कुन स्थानमा कतिवटा सुरूङ बनाउने, कस्तो बन्ने भन्ने विषयमा मलाई जानकारी आइसकेको छैन उनले भने ।