घरजग्गा किनबेच सहजीकरण र ऋण मिलाइदिने भन्दै ठगी गरेको आरोपमा पक्राउ

काठमाडौं । प्रहरीले एक जना युवकलाई घरजग्गा किनबेच सहजीकरण र ऋण मिलाइदिने भन्दै ठगेको आरोपमा पक्राउ गरेको छ । सिन्धुपाल्चोक मेलम्ची नगरपालिका-११ का २७ वर्षीय रामचन्द्र चालिसेलाई लाखौं रकम ठगेको आरोपमा जिल्ला प्रहरी परिसर काठमाडौंले बुधबार पक्राउ गरेको एसपी सिताराम रिजालले बताए ।

वास्तविक नाम रामचन्द्र भए पनि उनले आफूलाई अरू नै विभिन्न नामबाट चिनाउँथे। नकुल चालिसे, आकाश भट्टराई र आर.एन क्षेत्री भनेर पनि उनले ग्राहकलाई चिनाउने गरेको अनुसन्धानबाट खुल्न आएको छ। ठगी गरेको पैसाले उनी काठमाडौंका महँगा होटलहरूमा खाने बस्ने गर्दा रहेछन् ।

२०७९ फागुन ४ गते बनाएको उक्त पेजमा ऋण, घर, जग्गा चाहिएमा सहयोग गर्ने उल्लेख छ। आफैंले चलाउने फेसबुक पेज देखेर कतिपय ग्राहकले त्यसैमा ऋण/घर/जग्गा चाहियो भन्दै मेसेज गर्थे। कसैसँग कुरा भाइहाले पनि उनी ती ग्राहकलाई कुनै क्याफे वा रेस्टुरेन्टमा बोलाएर कुराकानी गर्थे । यसरी सेवा दिनको लागि उनलाई कार्यालय पनि खोल्नु परेन, कर्मचारी पनि राख्नु परेन । फेसबुकमा एउटा पेज बनाएर घर जग्गाको कारोबार गर्ने, ऋणको व्यवस्था गर्ने गर्दा रहेछन् ।