बैैंकिङ क्षेत्रको कुल कर्जा २८ खर्ब ५६ अर्ब रुपैयाँ

सुरेश राउत
काठमाडौं, असार २६
बैंक तथा फाइनान्स कम्पनीहरुको कुल कर्जा रकम २८ खर्ब ५६ अर्ब सात करोड ४० लाख रुपैयाँ पुगेको छ । नेपाल राष्ट्र बैंकका अनुसार चालू आर्थिक वर्षको १० महिनाको अवधिमा सञ्चालनमा रहेका २८ वटा वाणिज्य बैंक, क्षेत्रिय तथा राष्ट्रियस्तरका समेत गरी ३२ वटा विकास बैंक र २४ वटा फाइनान्स कम्पनीहरुले कुल १४ लाख २७ हजार नौ सय २७ खातामार्फत उक्त परिमाणमा कर्जा प्रवाह गरेका हुन् ।

कुल चुक्ता पुँजी तीन खर्ब दुई अर्ब ५३ करोड १० लाख रुपैयाँ पुगेको बैैकिङ क्षेत्रले यसअवधिमा दुई करोड ६९ लाख १० हजार चार सय ८० वटा खाता मार्फत ३१ खर्ब ६० अर्ब ५६ करोड २० लाख रुपैयाँ निक्षेप संकलन गरेका छन् । वाणिज्य बैंकहरुको मात्र चुक्ता पुँजी भने यसअवधिमा दुई खर्ब ४८ अर्ब ५१ करोड ४० लाख रुपैयाँ पुगेको छ । वाणिज्य बैंकहरुले यस अवधिमा दुई करोड १९ लाख ८७ हजार तीन सय ५४ वटा निक्षेप खाता मार्फत २७ खर्ब २१ अर्ब ३५ करोड ६० लाख रुपैयाँ निक्षेप संकलन गरेका छन् भने १० लाख १९ हजार दुई सय २० वटा खाता मार्फत २४ खर्ब ५६ अर्ब ७७ करोड १० लाख रुपैयाँ पुगेको छ ।

सात वटै प्रदेशमामा सञ्चालनमा रहेका क्षेत्रिय, राष्ट्रिय तथा प्रादेशिक विकास बैंकहरुको कुल चुक्ता पुँजी ३९ अर्ब ८८ करोड ३० लाख रुपैयाँ पुगेको छ । यस अवधिमा विकास बैंकहरुले ४३ लाख ५१ हजार ५४ वटा निक्षेप खाता मार्फत तीन खर्ब ६८ अर्ब ९७ करोड १० लाख रुपैयाँ निक्षेप संकलन गरी तीन लाख ६६ हजार सात सय ९७ वटा खातामार्फत तीन खर्ब ३२ अर्ब २१ करोड रुपैयाँ कर्जा प्रवाह गरेका छन् ।

राष्ट्र बैंकका अनुसार फाइनान्स कम्पनीहरुले भने चालू आवको पछिल्लो १० महिनाको अवधिमा पाँच लाख ७२ हजार ७२ वटा खाता मार्फत ७० अर्ब २२ करोड ८० लाख रुपैयाँ निक्षेप संकलन गरी ४१ हजार नौ सय २० वटा खाता मार्फत ६७ अर्ब नौ करोड ४० लाख रुपैयाँ कर्जा प्रवाह गरेका छन् । यस अवधिमा फाइनान्स कम्पनीहरुको कुल चुक्ता पुंंजी १४ अर्ब १३ करोड लाख रुपैयाँ पुगेको छ । यसअवधिमा लघुबित्त बित्तीय संस्था बाहेकका बैंक तथा फाइनान्स कम्पनीहरुको कुल शाखा संख्या भने यस अवधिमा चार हजार आठ सय वटा पुगेको छ । सो मध्ये वाणिज्य बैंकहरुको तीन हजारतीन सय ६७, विकास बैंकहरुको एक हजार दुई सय २९ र फाइनान्स कम्पनीहरुको दुई सय चार वटा शाखाहरु सञ्चालनमा रहेका छन् । 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

‘भ्रमण वर्ष २०२० बाट गुणात्मक पर्यटनमा जोड दिई पर्यटकको संख्यामा वृद्धि गर्न सक्छौं’

सरकारले २०७४ साउन २९ गते ‘नेपाल भ्रमण वर्ष २०२०’ मनाउने घोषणा गरेको थियो । भ्रमण वर्षमा २० लाख पर्यटक नेपाल भित्र्याउने सरकारको लक्ष्य रहेको छ । सरकारले भ्रमण वर्षको सन २०२० मा २० लाख पर्यटक नेपाल भित्र्याउने लक्ष्य...

बच्चु श्रेष्ठ पर्यटन व्यवसायी तथा पर्यटन परामर्शदाता
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com