टोयोटा र डेन्सोबीच स्वचालित अटो प्रविधिका लागि सम्झौता

टोकियो, असार २६
जापानी कार निर्माता टोयोटा मोटो कर्प र कारजन्य सवारीसाधनको पुर्जा निर्माण गर्ने कम्पनी डेन्सो कर्पबीच बुधबार स्वचालित अटो प्रविधिका लागि मिलेर काम गर्ने सम्झौता भएको छ । रोयटर्सका अनुसार दुई अटो कम्पनीबीच नयाँ पुस्ताको स्वचालित अर्धचालक (सेमिकन्डक्टर) विकास गर्न संयुक्त उपक्रम (ज्वाइन्ट भेन्चर) निर्माण गर्ने सहमति भएको हो । टोयोटाले स्वचालित सवारीसाधनका लागि काम गर्ने योजनाअनुसार यस्तो सहमति भएको हो ।

डेन्सो टोयोटा ग्रुपको निर्यातकर्ता कम्पनी पनि हो । यसले नयाँ कम्पनीमा ५१ प्रतिशत सेयर स्वामित्व लिनेछ । त्यस्तै बाँकी सेयर टोयोटाकै स्वामित्वमा रहने दुवै कम्पनीले संयुक्त रुपमा जारी गरेको विज्ञप्तिमा जनाइएको छ । दुवै कम्पनीको संयुक्त कम्पनी सन् २०२० को अप्रिलमा स्थापना हुनेछ । यसको पुँजी ४ लाख ५८ हजार ९ सय ६८ डलर हुने र ५ सय जनाले रोजगारी पाउने कम्पनीहरुले जनाएका छन् । उक्त उपक्रमले विद्युतीय सवारीसाधनका लागि आवश्यक पावर मोड्युल र स्वचालित कारको लागि अत्यावश्यक वरिपरिको अनुगमन गर्ने सेन्सर प्रविधि निर्माणलाई लक्ष्य गरी नयाँ कम्पनी खोल्न लागेका हुन् ।

कारहरु एकअर्कासँग अन्तर्सम्बन्धित हुन कम्प्युटिङ पावर महत्वपूर्ण हुन्छ । त्यस्तै स्वचालित ड्राइभिङका लागि वरपरको जानकारी लिने सेन्सिङ कप्यासिटी पनि उत्तिकै महत्वपूर्ण हुन्छ । डाटाहरुको विश्लेषण तत्काल गरी निर्णय लिने क्षमता, तत्कालै ब्रेक लाग्ने प्रणाली यस्ता कारहरुमा अत्यावश्यक हुन्छ । यसअघि दुई कम्पनीले गत वर्षको जुनमै इलेक्ट्रोनिक्स कम्पोनेन्ट उत्पादन र विकास गर्न सहमति गरेका थिए । दुवै कम्पनीहरुले यसअघि नै अर्को टोयोटा ग्रुप ऐसिन सेइकी कम्पनीसँग पनि सहमति गरिसकेका छन् । 

 

 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com