अमेरिकी कम्पनीलाई हुवावेसँग कारोबार गर्न अनुमति दिइँदै

वासिङ्टन, असार ३१
अमेरिकी कम्पनीले चिनियाँ कम्पनी हुवावेसँग केही हप्तामै कारोबार अनुमति पाउने भएका छन् । रोयटर्सका अनुसार अमेरिकी प्रशासनले यससम्बन्धी अनुमति दुई/चार हप्तामै आफ्नो देशका कम्पनीलाई दिन लागेको हो । वरिष्ठ अधिकारीलाई उद्धृत गर्दै रोयटर्सले जनाएअनुसार अमोरिकी राष्ट्रपति डोनाल्ड ट्रम्पले चिनियाँ कम्पनीमाथिको दबाब केही खुकुलो गर्न लागेका हुन् । मे महिनामा विश्वकै ठूलो दूरसञ्चार उपकरण निर्माता हुवावेलाई अमेरिकाको वाणिज्य विभागले कालोसूचीमा राखेको थियो । कालोसूचीमा राखिएसँगै हुवावेसँग कारोबार गर्न अमेरिकी कम्पनीहरुले सकेका थिएनन् ।

हुवावेले चिपजन्य प्रविधि सामग्री अमेरिकी कम्पनीबाट आयात गर्दै आएको छ । तर गत महिनाको अन्त्यतिर चिनियाँ समकक्षी सि जिनपिङसँग भेटवार्ता गरेपछि अमेरिकी राष्ट्रपति डोनाल्ड ट्रम्पले हुवावेलाई अमेरिकी कम्पनीले सामग्री निर्यात गर्न सक्ने बताएका थिए । यद्यपि वाणिज्य सचिव विल्बर रोसले भने कारोबारका लागि अमेरिकी कम्पनीले सरकारबाट लाइसेन्स लिनुपर्ने बताएका छन् । राष्ट्रिय सुरक्षामा कुनै जोखिम नहुने अवस्थामा कारोबार खुल्ला गरिने उनको भनाइ छ । ट्रम्पको घोषणा र वाणिज्य विभागको कार्यान्वयन प्रक्रियाले द्रुत गति लिएसँगै चिप उद्योगहरुले अमेरिकी प्रविधि निर्यात गर्ने देखिएको हो ।

दुई अमेरिकी चिपमेकरहरुले रोसको उक्त धारणासँगै धेरैभन्दा धेरै लाइसेन्स लिने बताएका छन् । आगामी दिनमा ग्राहक प्रतिक्रिया व्यवस्थापन कम्पनी र एक अर्को हुवावेसँग कारोबार गर्ने फर्मले पनि लाइसेन्सका लागि अनुमति माग्ने बताएको रोयटर्सले जनाएको छ । सन् २०१८ मा हुवावेले ७० अर्ब डलरभन्दा बढीको सामग्री किनेको थियो । त्यसमा क्वाल्कम, इन्टेल र माइक्रोन टेक्नोलजीबाट कम्पनीले ११ अर्बको सामान पर्दछ । यता हुवावेले भने आफूलाई कालोसूचीबाट हटाउनुपर्ने माग गरिरहेको छ । कम्पनीले नराम्रो काम गरेको कुनै प्रमाणसमेत फेला नपरेको सन्दर्भमा कम्पनीलाई कालोसूचीमा राखिनु अन्यायपूर्ण हुने कम्पनीको दाबी छ ।

तर कतिपय अमेरिकी कम्पनीका लागि भने हुवावेसँग कारोबारको लागि लाइसेन्स लिनु नपर्ने पनि बताइएको छ । ती कम्पनीका निर्यात वस्तुहरु अमेरिकी निर्यात नियन्त्रणभन्दा बाहिर रहेकाले अनुमति लिनु नपर्ने बताइएको छ । यससम्बन्धी अमेरिकी प्रशासनले नयाँ नीति लागू गर्नेछ । यसले जोखिमरहित प्रविधि बिक्रीका लागि खुल्ला गर्नेछ । तर अधिकारीहरुले हुवावे कालोसूचीबाट नहट्ने बताएका छन् । कारोबार खुल्ला पनि अस्थायी प्रकृतिको हुनेछ । अमेरिकी सेमिकन्डक्टर उद्योगले भने अझै धेरै खुल्ला नीति अख्तियार गर्न लबिङ गर्दै आइरहेको छ । यद्यपि कुन उत्पादन निर्यातका लागि अनुमति दिने भन्ने खुलेको छैन ।


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

लगानीकर्तालाई उद्योग सञ्चालनका लागि सहज वातावरण बनाउँछौं

२०४२ सालमा रोजगारीका लागि भारत गएका त्रिलोचन भट्ट भारतमा नेपालीहरूको दुःख सम्झेर प्रवासी राजनीति सुरु गरेका हुन् । २०४७ साल जेठमा अखिल भारत नेपाली एकता समाजको साधारण सदस्यताबाट राजनीति सुरु गरे । तत्कालीन सामन्ती राज्य व्यवस्थाका विरुद्ध विद्रोह र आफूले भोगेका समस्या अरु नेपाली युवाहरूले भोग्ननपरोस भनेर संघर्षमा लागेका...

त्रिलोचन भट्ट मुख्यमन्त्री – सुदूरपश्चिम प्रदेश
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com