आवश्यकताभन्दा बढी अनुुमति दिएका लघुुवित्तमा विकृति

काठमाडौं, साउन २८
नियमनकारी निकाय नेपाल राष्ट्र बैंकले आवश्यकताभन्दा बढी लाइसेन्स दिएका कारण लघुुवित्त क्षेत्रमा विकृति बढेको सो क्षेत्रमा विज्ञहरूले बताएका छन् । लघुवित्त क्षेत्रमा विद्यमान चुनौती र अबको कार्यदिशा निर्धारणका विषयमा काठमाडौँमा सम्पन्न भएको एक दिने सम्मेलनमा सहभागी लघुुवित्त क्षेत्रका विज्ञहरूले उक्त कुरा बताएका हुुन् । स्वावलम्वन विकास केन्द्रको आयोजनामा सम्पन्न भएको सम्मेलनमा नेपालमा लघुवित्त क्षेत्रको विकृति, बुझाइ, गराइ, भोगाइ र सोचाइ विषयमा सामूहिक छलफल भएको थियो ।

गोष्ठीमा लघुवित्त क्षेत्रका अग्रणी तथा स्वावलम्वन विकास केन्द्रका अध्यक्ष शंकरमान श्रेष्ठले लघुवित्त कार्यक्रमलाई गतिशील राख्न यसको मूल मर्म सिद्धान्तबाट निर्देशित हुनुपर्नेमा जोड दिए । लघुवित्त क्षेत्रमा हाल देखापरेका विकृति र विचलनका कारण यस क्षेत्रको प्रतिष्ठामा नै आँच आउने संकेत देखिएको उनले बताए । लघुवित्तमा उद्यमशीलता विकास महत्वपूर्ण हुने भएकोले लघुवित्त संस्थाहरू ग्राहक सदस्यहरूलाई स्थानीय स्रोत र साधनको भरपुर प्रयोग गरी कसरी उद्यमशीलता विकास गर्ने भन्ने विषयमा केन्द्रित हुनुपर्ने सहभागीहरूको भनाइ थियो । स्वच्छ लघुवित्त कार्यान्वयनका लागि सम्मेलनले एउटा कार्यदिशा तय गर्ने विश्वास गरिएको छ ।

लघुवित्तलाई सामाजिक व्यवसायको रूपमा नभई नाफामूलक दृष्टिकोणले हेर्ने प्रवृत्तिमा बढोत्तरी हुँदैआएको कारण विभिन्न किसिमका विचलन देखापरेको र त्यस प्रकारका विचलनले विपन्न तथा न्यून आय भएका वर्गको आर्थिक सामाजिक विकासमा बाधा पुग्ने देखिएको कुरा छलफलमा उठेको थियो । सम्मेलनमा देशका सातैवटा प्रदेशबाट प्रतिनिधित्व हुनेगरी प्यानल छलफल गरिएको थियो ।

प्यानल छलफलमा सहभागीहरूले लघुवित्तलाई ग्राहकमुुखी र उत्तरदायी बनाउन लघुवित्त संस्थाहरूले स्वयम् अनुशासनलाई अनुसरण गर्नुपर्ने साथै नियामक निकायले लघुवित्त वित्तीय संस्थालाई आवश्यकताभन्दा बढी अनुमति दिने क्रमले गर्दा यसमा धेरै विकृतिहरू देखापरेको सहभागीहरूले बताएका छन् । गोष्ठीमा नेपालका लघुवित्त क्षेत्रका विज्ञलगायत केन्द्रमा आवद्ध ३९ वटा लघुवित्त वित्तीय संस्था तथा सहकारी संस्थाका अध्यक्ष, संचालक तथा प्रमुख कार्यकारी अधिकृतहरूको सहभागिता रहेको थियो ।

 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

लगानीकर्तालाई उद्योग सञ्चालनका लागि सहज वातावरण बनाउँछौं

२०४२ सालमा रोजगारीका लागि भारत गएका त्रिलोचन भट्ट भारतमा नेपालीहरूको दुःख सम्झेर प्रवासी राजनीति सुरु गरेका हुन् । २०४७ साल जेठमा अखिल भारत नेपाली एकता समाजको साधारण सदस्यताबाट राजनीति सुरु गरे । तत्कालीन सामन्ती राज्य व्यवस्थाका विरुद्ध विद्रोह र आफूले भोगेका समस्या अरु नेपाली युवाहरूले भोग्ननपरोस भनेर संघर्षमा लागेका...

त्रिलोचन भट्ट मुख्यमन्त्री – सुदूरपश्चिम प्रदेश
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com