अराम्कोको ७५ अर्ब डलर लगानी भित्र्याउँदै अम्बानीको रिलायन्स कम्पनी

नयाँ दिल्ली, साउन २८
चर्चित साउदी तेल कम्पनी अराम्कोले भारतीय अर्बपति मुकेश अम्बानीको रिलायन्स कम्पनीमा ७५ अर्ब डलर लगानी गर्ने भएको छ । अम्बानीले कम्पनीको सोमबार आयोजित वार्षिक साधारणसभाका क्रममा यसबारे जानकारी दिएका हुन् । अराम्कोले आरआईएल ओइल टु केमिकल कारोबारको २० प्रतिशत सेयर लिनलागेको हो ।रिलायन्स र अराम्को दुवैले साझेदारी गर्दै आएका छन् । आरआईएल ओइल टु केमिकल कारोबारको राजस्व पाँच लाख करोड भारुभन्दा धेरै छ । रिलायन्स इन्डष्ट्रिजको जामनगरमा विश्वकै ठूलो रिफाइनिङ कम्प्लेक्स रहेको छ । जसले एकै दिनमा १४ लाख ब्यारेल तेल उत्पादन गर्न सक्छ । अराम्कोले पाँच लाख ब्यारेल तेल हरेक दिन रिलायन्सको रिफाइनरीमा पठाउनेछ । यो सम्झौता भारतमै सबैभन्दा ठूलो लगानी सम्झौता भएको भारतीय सञ्चारमाध्यमले जनाएका छन् ।

अराम्को विश्वकै ठूलोमध्येको तेल कम्पनीमा पर्छ । यसले आम्दानी कति गर्छ भन्ने रहस्यकै गर्भमा रहेको बताइन्छ । यद्यपि यो वर्ष अप्रिलमा अराम्कोले पछिल्लो वर्ष मात्रै १ सय ११ अर्ब डलर मुनाफा आर्जन गरेको जानकारी दिएको थियो । सन् २०१८ मा आईफोन निर्माता कम्पनी एप्पलले ५९ अर्ब ५० करोड डलर कमाएको बताएको थियो । अराम्कोभन्दा अन्य तेल कम्पनीहरु रोयल डचशेल र एक्सोन मोबिल धेरै पछि रहेका छन् । अराम्कोले यो वर्ष वित्तीय अवस्थाबारे जानकारी दिनुलाई कतिपयले बन्ड बेचेर १५ अर्ब डलर पुँजी जुटाउन गरेको प्रयासका रुपमा पनि लिएका छन् । सन् २०१८ मा अराम्कोले साउदी सरकारलाई १ सय ६० अर्ब डलर दिएको थियो । साउदी अरेबियाको पूर्वी भागमा धेरै तेल रहेको बताइन्छ । १ सय ९३ किमि क्षेत्रमा तेलको भण्डार नै रहेको बताइन्छ । जुन देशकै कुल तेल रहेको क्षेत्रमध्ये आध हिस्सा हो । यो कम्पनीलाई सन् १९८० देखि सरकारले स्वामित्व लिएको हो । 

 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अर्थतन्त्रको महत्वपूर्ण वित्तीय संस्था बन्न चाहन्छौें

२०३० साल मंसिर महिनामा अर्घाखाँची जिल्लामा जन्मिएका प्रकाश पौडेल वित्तीय क्षेत्रको प्रशंसनीय नाम हो । व्यवस्थापन संकायमा लुम्विनी वाणिज्य क्याम्पसबाट स्नाकोत्तर गरेका पौडेल २०५२ साल पश्चिमाञ्चल फाइनान्स कम्पनी लि. मा...

प्रकाश पौडेल प्रमुख कार्यकारी अधिकृत शाइन रेसुङ्गा डेभलपमेण्ट बैंक लि., बुटवल, रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com