दक्षिण एसियाकै पहिलो अन्तर्देशीय पाइपलाइन उद्घाटन

अमलेखगञ्ज, भदौ २५
दक्षिण एसियाकै पहिलो नेपाल–भारत अन्तर्देशीय पेट्रोलियम पाइपलाइनको मंगलबार उद्घाटन गरिएको छ । नेपालबाट प्रधानमन्त्री केपी शर्मा ओलीले सिंहदरबारमा र भारतबाट प्रधानमन्त्री नरेन्द्र मोदीले दिल्लीस्थित हैदरावाद हाउसमा भिडियो कन्फरेन्समार्फत एकै समयमा स्विच थिचेर दुई देशीय पेट्रोलियम पाइपलाइनको उद्घाटन गरेका हुन् ।

नेपाल र भारतको संयुक्त लगानीमा निर्माण गरिएको ६९ दशमलव सात किमि लामो मोतिहारी–अमलेखगञ्ज पेट्रेलियम पाइपलाइनको उद्घाटन गरिएको हो । मोदीले भारतबाट पठाएको तेल ओलीले सिंहदरबारमा स्विच थिचेर ‘रिसिभ’ गरेपछि अमलेखगञ्ज डिपोमा बट्टामा तेल थापेर नेपाल आयल निगमको ट्यांकीमा जम्मा गरिएको थियो ।

दुवै देशका प्रधानमन्त्रीले मंगलबार औपचारिक रूपमा उद्घाटन गरेसँगै इन्धन आपूर्ति नियमित हुने नेपाल आयल निगम अमलेखगञ्ज डिपोका प्रमुख प्रदिप यादवले जानकारी दिए । भारतको पटनाबाट मोतिहारी हुँदै नेपालको अमलेखगञ्जसम्म कुल २५९.७ किलोमिटरमध्ये नवनिर्मित मोतिहारीदेखि अमलेखगञ्जसम्मको ६९.७ किमि लामो पाइपलाइनबाट पहिलो चरणमा ३१ लाख लिटर डिजल पठाएर गत साउन ३ गते गरिएको परीक्षण सफल भएको थियो ।

मोतिहारी–अमलेखगञ्ज पेट्रोलियम पाइपलाइन परियोजनाको कुल बजेट २ सय ७५ करोड भारतीय रकम रहेको र त्यसमध्ये २ सय करोड भारतीय आयल निगमले व्यहोरेको छ भने ७५ करोड नेपाल आयल निगमले व्यहोरेको क्षेत्रीय प्रमुख इन्जिनियर यादवले जानकारी दिए । भारतको मोतिहारीदेखि रक्सौलसम्म ३२.७८ कि.मि. रहेको छ भने रक्सौल सिमानादेखि अमलेखगञ्जसम्म ३६.२८ कि.मि. पाइपलाइन विस्तार गरिएको छ । १०.७५ इन्चको डायमिटर रहेको उक्त पाइपमा १ घण्टामा २ सय लिटर पेट्रोलियम पदार्थ आउने उनले बताए ।

पाइपलाइनमार्फत पेट्रोल, डिजेल, मट्टीतेललगायतका पेट्रोलियम पदार्थ ल्याउन सके पनि हालको समयको लागि डिजेल मात्रै ल्याउने निगमको अमलेखगञ्ज डिपो प्रमुख यादवले बताए । यादवले पेट्रोल र मट्टीतेलको खपत कम र व्यवस्थापन नभएकोले डिजेल ल्याउने बताए । पाइपलाइनबाट नियमित रुपमा दैनिक २० घण्टा सञ्चालन हुँदा दैनिक ३० हजार किलोलिटर तेल भित्र्याउन सकिने निगमले जनाएको छ । पाइपलाइनबाट हालका लागि डिजल मात्रै आयात गरिने र पेट्रोल आयात गर्न थप एक वर्ष लाग्न सक्ने उनले जानकारी दिए । पाइपलाइनबाट पेट्रोलियम पदार्थ ल्याउँदा वार्षिक दुई अर्बभन्दा बढी ढुवानी खर्च बचत हुने निगमले जनाएको छ ।

इन्धनको मूल्य घट्यो :- पाइपलाइन सञ्चालनमा आएसँगै इन्धन ढुवानी लागतको न्यूनीकरणले पेट्रोलियम पदार्थको उपभोक्ता मूल्यसमेत घटेको छ । मंगलबार मध्याह्नदेखि लागू हुने गरी निगमले डिजेल, पेट्रोल र मट्टीतेलमा प्रतिलिटर दुई–दुई रुपैयाँ घटाएको छ । देशभित्र खपत हुने डिजेलमध्ये ७० प्रतिशत अमलेखगञ्जबाट आपूर्ति हुँदै आएको निगमले जनाएको छ ।

यो पाइपलाइन दक्षिण एसियाकै पहिलो ‘क्रस बोर्डर’ परियोजना हो । परियोजनाको उद्घाटनका क्रममा निगमका कार्यकारी निर्देशकसहितको उच्च प्राविधिक टोली अमलेखगञ्ज पुगेको थियो । निगम र भारतीय आयल कर्पोरेसनबीच अन्तर्देशीय पेट्रोलियम पाइपलाइन परियोजना निर्माणका लागि सन् २००४ मा सम्झौता भएको थियो । सो परियोजना विविध कारणले एक दशकभन्दा बढी समय रोकिएर रहेको थियो ।

सन् २०१५ को अगष्टमा तत्कालीन वाणिज्य तथा आपूर्तिमन्त्री सुनिलबहादुर थापा र उनका भारतीय समकक्षी धर्मेन्द्र प्रधानले हस्ताक्षर गरेसँगै परियोजना निर्माण सुरु भएको थियो । सो परियोजना निर्माणमा नेपाल र भारत सरकारले अत्यन्त चासो व्यक्त गरेका थिए । प्रधानमन्त्री केपी शर्मा ओलीको भारत भ्रमणका क्रममा नयाँ दिल्लीबाट प्रधानमन्त्री ओली र उनका भारतीय समकक्षी नरेन्द्र मोदीले संयुक्तरूपमा पाइपलाइन परियोजनाको शिलान्यास गरेका थिए । 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

पहिलो प्राथमिकता सडक नै हो

जिल्लाको विकट मानिने भोटेकोशी गाउँपालिका वडा नं. १ लिस्तीका अध्यक्ष हुन् मुके शेर्पा । विकासप्रेमी नेताको रुपमा जिल्लामा छवि बनाएका शेर्पाले आफ्नो वडालाई समृद्ध बनाउन विभिन्न उदाहरणीय कामहरु गरेका छन्...

मुके शेर्पा, अध्यक्ष भोटेकोशी गाउँपालिका–१ लिस्ती, सिन्धुपाल्चोक
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com