यातायात व्यवस्था कार्यालयमा पाँच करोडभन्दा बढी भ्रष्टाचार
काठमाडौँ, जेठ २६
अख्तियार दुरुपयोग अनुसन्धान आयोगले यातायात व्यवस्था कार्यालय सवारी कोशीका तत्कालीन कार्यालय प्रमुख नयराज नेपालसहित १७ जनाविरुद्ध राजस्व हिनामिना गरेको अभियोगमा आइतबार विशेष अदालतमा मुद्दा दायर गरेको छ । कार्यालयमा सङ्कलित राजस्व हिनामिना भइरहेको भन्ने उजुरीमाथि छानबिन हुँदा तथ्यगत विवरण, प्रमाण समेतका आधारमा कार्यालय प्रमुखसहितले गैरकानुनी काम गरेको पाइएको आयोगले जनाएको छ । आयोगले तत्कालीन कार्यालय प्रमुख नयराज नेपालविरुद्ध एक करोड आठ लाख २९ हजार ६९ बराबरको बिगो असुलउपर गर्न माग गर्दै मुद्दा दायर गरेको हो ।
आयोगले तत्कालीन कार्यालय प्रमुखत्रय तीर्थराज लम्साल तीन करोड ३० लाख ७९ हजार ३७३, गोपाल थपलिया एक करोड ३० लाख ७२ हजार १५३ र भूपेन्द्र राईविरुद्ध ५६ लाख १२ हजार ५४७ बराबरको बिगो असुल गर्न माग गर्दै मुद्दा दायर गरिएको आयोगका प्रवक्ता प्रदीपकुमार कोइरालाले जानकारी दिए । तीन करोड ७२ लाख ४४ हजार ७ सय ५५, तत्कालीन लेखापालहरू रुद्रप्रसाद दाहाल तीन करोड ४८ लाख ९३ हजार २ सय १६, अर्जुन भट्टराई दुई करोड १७ लाख ३२ हजार ४ सय ७३ र कृष्णप्रसाद कट्टेल ७३ लाख ६२ हजार ४ सय ५५ बराबरको बिगो दाबी गरिएको छ ।
यसैगरी कम्प्युटर अपरेटरहरू सुजन राई २२ लाख ४४ हजार ३ सय ३६, राकेश रोशन मगर, रमेश पौडेल, भूमिराज अधिकारी र हरिमदन ढुङ्गेलविरुद्ध समान पाँच करोड ९४ लाख ९८ हजार ९ सय ३१ बराबरको बिगो दाबी गरिएको छ । कम्प्युटर अपरेटर दीपेन्द्रकुमार मण्डल एक लाख ४६ हजार ५२६, मैयाँकुमारी चापागाईं २२ लाख ४४ हजार ३३६ र रबिनकुमार विश्वासविरुद्ध ४५ हजार ४ सय ६१ बराबरको बिगो दाबी गरिएको छ ।
क्याटेगोरी : समाचार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया