लुम्बिनी बौद्ध विश्वविद्यालयको १५औं स्थापना दिवस

बुटवल, मंसिर १५
लुम्बिनी बौद्ध विश्वविद्यालयले १५औं वार्षिकोत्सव मनाएको छ । लुम्बिनीमा शनिबार एक कार्यक्रम गरी स्थापना दिवसमा मनाइएको हो । विश्व विद्यालयको वार्षिकोत्सवमा प्रदेश ५ का मुख्यमन्त्री शंकर पोखरेलले बौद्धदर्शनलाई बहुविषयमा जोडेर अध्यापन गर्नुपर्ने बताए । ‘बुद्ध शिक्षा धर्म र दर्शनमा मात्रै सीमित हुनुहुँदैन, राजनीतिक, आर्थिक, सामाजिक विषयमा यसलाई जोडेर अनुसन्धान गर्नुपर्छ’, उनले भने ।

मुख्यमन्त्री पोखरेलले बौद्ध विश्वविद्यालयबाट बौद्ध क्षेत्रको अनुसन्धान कार्य सुरु गर्न आग्रह गरे । अनुसन्धानका लागि आवश्यक स्रोत प्रदेश सरकारले उपलब्ध गराउने भन्दै उनले विद्यार्थीलाई अनुसन्धानमा जोड्नुपर्ने उनले बताए । लुम्बिनीसहित यस क्षेत्रका बौद्ध स्थल, पुरातत्व तथा संस्कृतिको अनुसन्धान नै नभएको भन्दै उनले विदेशी व्यक्तिको पुस्तकमा मात्रै भर पर्नुपर्ने बाध्यता हटाउनुपर्ने बताए ।

मुख्यमन्त्री पोखरेलले लुम्बिनी गुरुयोजना समयमै सकेर थप परिष्कृत गुरुयोजना कार्यान्वयनमा लाग्नुपर्ने बताए । लुम्बिनीलाई विश्व शान्ति क्षेत्र र आध्यात्मिक केन्द्र बनाउनका लागि भवन ठड्याएर मात्रै नहुने भन्दै प्रकृतिको संरक्षणमा लाग्नुपर्ने उनले बताए । लुम्बिनीलाई सुन्दर बनाउनका लागि प्रदेश सरकारले बृक्षरोपणमा ध्यान दिएको भन्दै नया कार्यक्रम बनाएर ल्याउन लुम्बिनी विकास कोषलाई आग्रह गरे । कार्यक्रममा प्रदेश सभाका सदस्य फखुरुद्धिन खानले बौद्ध विश्वविद्यालयले लुम्बिनीलाई नै केन्द्रमा राखेर शैक्षिक कार्यक्रम सञ्चालन गर्नुपर्ने बताए । हरेक संस्थाहरुले लुम्बिनीलाई छाडेर सहरकेन्द्री कार्यक्रम गर्ने गरेको गुनासो समेत गरे । उनले लुम्बिनीलाई संस्कृतिमय बनाउनका लागि पर्खाल बाहिरको समूदायलाई जोडेर कार्यक्रम गर्न आवश्यक रहेको बताए ।

लुम्बिनीको विश्वशान्ति नगर गुरुयोजना तयार गरेका कोरियन प्रोफेसर क्वाकले शान्तिको उद्गम क्षेत्र लुम्बिनी भएको बताए । लुम्बिनीलाई साच्चिकै शान्तिमय बनाउनका लागि यहाको प्रकृतिको संरक्षणमा ध्यान दिनुपर्ने उनको सुझाव छ । उनले विश्व शान्ति नगर बनाउने आफ्नो सपनालाई कार्यान्वयन गर्न समेत आग्रह गरे । त्यस्तै लुम्बिनी विकास कोषका उपाध्यक्ष अवदेश कुमार त्रिपाठीले बौद्ध शिक्षालाई समाजसंग जोडेर विश्वविद्यालयले काम गर्नुपर्ने सुझाव दिए । बौद्ध शिक्षामा चिकित्सकीय पद्धती रहेको भन्दै त्यसलाई उपयोग गर्न सकिने उनले बताए ।

लुम्बिनी बौद्ध विश्वविद्यालयका उपकुलपति प्रा.डा. हृदयरत्न बज्राचार्यले विश्वविद्यालयले शैक्षिक कार्यक्रमको विस्तारमा निरन्तर जोड दिएको बताए । त्यस्तै बौद्ध विश्वविद्यालयका रजिष्ट्रार डा. तिलकराम आचार्यले पाच वर्षको अवधीमा धेरै शैक्षिक कार्यक्रम विस्तार गर्न सकिएको बताए । सोही अवसरमा विश्वविद्यालयको अनुसन्धान केन्द्रको शिलान्यास गरिएको छ । लुम्बिनी विकास कोष परिसरमा अनुसन्धान भवन बन्न लागेको हो । जसको लागत २० करोड रहेको छ । सो भवनको मुख्यमन्त्री पोखरेलले शिलान्यास गरेका छन् ।


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

‘भ्रमण वर्ष २०२० बाट गुणात्मक पर्यटनमा जोड दिई पर्यटकको संख्यामा वृद्धि गर्न सक्छौं’

सरकारले २०७४ साउन २९ गते ‘नेपाल भ्रमण वर्ष २०२०’ मनाउने घोषणा गरेको थियो । भ्रमण वर्षमा २० लाख पर्यटक नेपाल भित्र्याउने सरकारको लक्ष्य रहेको छ । सरकारले भ्रमण वर्षको सन २०२० मा २० लाख पर्यटक नेपाल भित्र्याउने लक्ष्य...

बच्चु श्रेष्ठ पर्यटन व्यवसायी तथा पर्यटन परामर्शदाता
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com