ठेकेदारविरुद्ध स्थानीयले फुके शंख

सुबास बस्नेत
दोलखा, मंसिर १५
लामोसाँघु जिरी सडकअन्तर्गतको मुडे–चरीकोट सडक खण्ड निर्माणकार्यमा ढिलासुस्ती गरेको भन्दै दोलखा जिल्लाबासीले ठेकेदारको नाममा शंख फुकेर विरोध कार्यक्रम गरेका छन् । नागरिक समाजको अगुवाइमा जारी आन्दोलनअन्तर्गत शनिबार जिल्लाबासीले ठेकेदारको नाममा शंख फुक्ने कार्यक्रम गरेका हुन् ।

सडक निर्माणकार्य छिटो सम्पन्न गराउन दबाबस्वरुप जिल्लाबासी ठकेदार कम्पनीविरुद्ध चरणबद्ध आन्दोलन गरिरहेका छन् । जसअन्तर्गत शनिबार शंख फुकेर दबाबमूलक कार्यक्रम गरेका हुन् । यसअघि स्थानीयले चार वर्षदेखि काम अलपत्र पारेर जनतालाई दुःख दिने मुडे–चरीकोट सडक विस्तार तथा स्तरोन्नतिको जिम्मेवारी पाएको ठेकेदार दिपक सापकोटाको फोटो सार्वजनिक गरेका थिए । त्यस्तै गत शनिबार स्थानीयले मानव साङ्लो बनाएर विरोध प्रदर्शन गरेका थिए ।

चार घण्टा लाग्ने बाटोमा १० घण्टा लाग्ने हुँदा पनि सम्बन्धित निकायले मर्मतका लागि चासो नदेखाएको स्थानीयको आरोप छ । उनीहरुले राजनीतिक दलका नेता तथा सरकारमा रहेको व्यक्तिहरुलाई समेत जिल्ला प्रवेशमा रोक लगाउने चेतावनी दिएका छन् । उनीहरुले सार्वजनिक बसहरुमा ठेकेदार कम्पनी शंकर माली निर्माण सेवाका प्रबन्धनिर्देशक दिपक सापकोटाको तीनथर फोटो सार्वजनिक गर्दै नैतिक दबाब अभियान सुरु गरेका थिए । अभियानमा सक्रिय नागरिक समाजका अगुवाले गोकर्ण प्रसाद भण्डारीले मुख्य सडक मुडे चरीकोट पाँच वर्षसम्म पनि कालोपत्रे नहुँदा दोलखा आवतजावत गर्ने पर्यटकसँगै स्थानीयले समेत सास्ती भोग्नुपरेको बताए ।

सडक निर्माणको मुख्य जिम्मेवार निकाय ठेकेदार भए पनि सडक निर्माणमा सरकारी उदासीनताका कारण पनि समयमा नै कालोपत्रे हुन नसकेको भण्डारीको आरोप छ । त्यस्तै नागरिक समाजका अगुवा रमेश खतिवडाले स्थानीयले सडक विस्तारको काम समयमै सक्न पटक पटक दबाब दिँदा समेत बेवास्ता गरिएको भन्दै सबै स्थानीय आक्रोश पोख्दै सडकमा उत्रिनुपरेको उनले बताए । भारतीय एक्जिम बैंकको झण्डै एक अर्ब २४ करोड ऋण सहयोगमा ५५ किलोमिटरको लामोसाँघु चरीकोट सडक विस्तारको क्रममा विभिन्न ठाउँमा थुपारिएको माटो र खाल्डाखुल्डीको कारण यातायात सञ्चालनमा समस्या देखिएको छ ।

सडक विस्तारमा भएको लापरबाहीकै कारण काठमाडौँ चरीकोटको एक सय ३३ किलोमिटरको दूरी तय गर्न १२ घण्टाभन्दा बढी समय लाग्ने गरेको विरोध कार्यक्रममा सहभागी सिर्जन कुमार घिमिरेले बताए । लामोसाँघु–चरीकोट सडक विस्तार कार्यक्रमअन्तर्गत लामोसाँघु–मुडे २५ किलोमिटर सडक विस्तार र मूडे–चरीकोट ३० किलोमिटर सडक विस्तारको कामको सम्झौता २०७२ भदौमा भएको थियो । दुवै कामको सम्पन्न अवधि दुई वर्षको थियो । तर सम्पन्न अवधि सकिएर दुई वर्ष नाघिसक्दा समेत दुवै कामको प्रगति हुनसकेको छैन ।

लामोसाँगु मूडे सडक खण्डअन्तर्गत चेनेज शून्यदेखि २५ किमिसम्म लामोसाँघु–मुडे सडक खण्डको काम सिमाञ्चल, गौरी पार्वती, सुनौलो खिम्ति जेभीले गरिरहेको छ भने चेनेज २५ किमिदेखि ५५ किमिसम्म मूडे–चरीकोट सडक खण्डको काम शकिल हेदर, शंकरमाली, सुनौला खिम्ति जेभीले अहिले गरिरहेकोे छ । सडक आयोजनाका नयाँ प्रमुख दिप वाराही सडक विस्तार तथा स्तरउन्नतिको काम वर्षात्अघि नै सक्ने गरी अगाडि बढाउन आफूले दुवै खण्डको निर्माण कम्पनीलाई निर्देशन दिएको र उनीहरुले काम सुरु गरेकोले चाँडै यो समस्या समाधान हुने बताउँदै आएका छन् । यता चरीकोटका स्थानीयले भने बाटोको कामले गति नलिएसम्म सडकमा यस्ता दबाबमूलक विरोध कार्यक्रम निरन्तर गरिरहने बताएका छन् ।


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

‘भ्रमण वर्ष २०२० बाट गुणात्मक पर्यटनमा जोड दिई पर्यटकको संख्यामा वृद्धि गर्न सक्छौं’

सरकारले २०७४ साउन २९ गते ‘नेपाल भ्रमण वर्ष २०२०’ मनाउने घोषणा गरेको थियो । भ्रमण वर्षमा २० लाख पर्यटक नेपाल भित्र्याउने सरकारको लक्ष्य रहेको छ । सरकारले भ्रमण वर्षको सन २०२० मा २० लाख पर्यटक नेपाल भित्र्याउने लक्ष्य...

बच्चु श्रेष्ठ पर्यटन व्यवसायी तथा पर्यटन परामर्शदाता
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com