महालक्ष्मी विकास बैंकद्वारा सेतो छडी हस्तान्तरण

काठमाडौं, पुस १०
महालक्ष्मी विकास बैंकले सेतो छडी हस्तान्तरण गरेको छ । बैंकले संस्थागत सामाजिक उत्तरदायित्वअन्तर्गत विभिन्न शाखाहरूबाट विभिन्न कार्यक्रमहरू गर्दै आइरहेकोमा थापाथली शाखाले देशको विभिन्न स्थानमा रहेका दृष्टिविहीन बालबालिका तथा युवाहरूको हक अधिकार सुनिश्चित गरी उनिहरूको वृत्तिविकासमा टेवा पु¥याउँदै अन्य व्यक्ति सरह जीवनयापन गर्न सक्षम बनाउने उद्देश्यले स्थापित दृष्टिविहीन सहयोग केन्द्र नेपाललाई एक सय थान सेतो छडी हस्तान्तरण गरेको हो । दृष्टिविहीनलाई दैनिक क्रियाकलापका साथै हिँडडुल गर्न सहजहोस भन्ने हेतुले बैंकले सेतो छडी प्रदान गरेको हो । बैंकले आगामी दिनहरूमा पनि संस्थागत सामाजिक उत्तरदायित्वअन्तर्गत अझै प्रभावकारी कार्यक्रमहरू गर्दै जाने प्रतिबद्धता जनाएको छ ।