तीन सहकारीलाई स्वरोजगार कोषको एक करोड २५ लाख रुपैया“


पाचँथर । पाँचथरका तीन सहकारी संस्थाले युवा स्वरोजगार कार्यक्रमका लागि एक करोड २५ लाख रुपैयाँ बराबरको रकम सम्झौता गरी ऋण लगानी सुरु गरेका छन् । युवा वर्गलाई स्वरोजगारतर्फ लाग्न सहयोग गर्ने उद्देश्यका साथ युवा स्वरोजगार कोषले सञ्चालन गरेको कार्यक्रमका लागि यसअघि पाँचथरका तीन सहकारी छनौट भएका थिए । छनौट भएका सहकारीहरूले उक्त रकमबराबरको सम्झौता गरेसँगै पहिलो चरणमा  ३० लाख रुपैयाँ रकम लिएर कार्यक्रम अगाडि बढाएका हुन् ।
सदरमुकाम फिदिममा रहेका हातेमालो बहुउद्देश्यीय सहकारी, कुरुम्बा गाविसमा रहेको कुरुम्बा कृषि सहकारी र एकतीन गाविसमा रहेको गरिमा कृषि सहकारी संस्थाले कार्यक्रम सञ्चालनका लागि सम्झौता गरेका थिए । यी सहकारी संस्थामध्ये हातेमालोले सबैभन्दा धेरै ५० लाख रुपैयाँ बराबरको सम्झौता गरेको छ । सम्झौता गरेको रकम चरणबद्ध रूपमा सहकारीले प्राप्त गरेर ऋण लगानी गर्ने बताइएको छ ।
हातेमालोले पहिलो चरणमा  १५ लाख रुपैयाँ रकम कोषबाट लिई ऋण लगानी गरेको छ । हातेमालोका सचिव सूर्य निरौलाका अनुसार सहकारीले पहिलो चरणमा प्राप्त गरेको रकम २० युवालाई ऋण स्वरूप उपलब्ध गराएको छ । गाईपालन, तरकारी, मसलाजन्य खेतीमा लाग्न इच्छुक युवालाई उक्त रकम लगानी गरिएको सचिव निरौलाले जानकारी दिनुभयो । 
कुरुम्बा कृषि सहकारीले  ४० लाख रुपैयाँको सम्झौता गरेको सहकारीका अध्यक्ष खड्कसिंह योङहाङले जानकारी दिनुभयो । पहिलो चरणमा सहकारीले रु १० लाख रकम पाएको छ । सहकारीले प्राप्त गरको रकम सहकारीमा रहेका २० वटा समूहमार्फत युवालाई लगानी गर्ने तयारी गरेको छ । सहकारीमा भएका समूहमार्फत गाई, बाख्रा र बङ्गुरपालनका लागि ऋण लगानी गरिने सहकारीले जनाएको छ । 
त्यस्तै, कोषसँग गरिमा सहकारीले ३५ लाख रुपैयाँ बराबरको सम्झौता गरेको छ । सम्झौता गरिएको रकममध्ये पहिलो चरणमा १० लाख रुपैयाँ रकम लिइएको सहकारीका व्यवस्थापक चन्द्रकला लामिछानेले जानकारी दिनुभयो । सहकारीले तीन लाखबराबरको ऋण लगानी गरिसकेको छ । 
पन्ध्रदेखि ५० वर्ष उमेर समूहलाई ऋण लगानी गर्ने गरिएको छ । धितो राखेर १२ प्रतिशत ब्याजमा ऋण लगानी गरिरहेको कुरुम्बा सहकारी संस्थाका अध्यक्ष योङ्हाङले जानकारी दिनुभयो । १२ किस्तामा ऋण तिर्ने गरी ऋण दिइएको हो । एकजना बराबर बढीमा दुई लाख रुपैयाँ लगानी गर्ने प्रावधान रहेको छ । सहकारीले लगानी गरेको रकम निश्चित समयपछि कोषलाई किस्ताबन्दीमा फिर्ता गर्नुपर्ने बताइएको छ । नियमित ब्याज बुझाउने ऋणीलाइ ब्याज छुटको पनि व्यवस्था रहेको छ । रासस

प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com