बेपत्ता भएको ११ दिनसम्म पनि फेला परेनन् प्रहरी कर्मचारी
महेन्द्र शाही
सोलुखुम्बु, जेठ १३
११ दिनदेखि जिल्ला प्रहरी कार्यालय सोलुखुम्बुका कर्मचारी सम्पर्कविहीन बनेका छन् । कार्यालयको कामको सिलसिलामा जिल्ला प्रहरी कार्यालय सल्लेरीबाट नेचासल्यानको प्रहरी चौकी सल्यान हिँडेका रिन्जि शेर्पा बीच बाटैबाट सम्पर्कविहीन बनेको जिल्ला प्रहरी कार्यालय सोलुखुम्बुले जनाएको छ । जेठ २ गते लकडाउनको बेला हिँडेको भन्दै स्थानीय युवाले नेचासल्यान २ खाल्पामा रोकेपछि उत्पन्न विवादपछि उनी बेपत्ता बनेको जिल्ला प्रहरी कार्यालय सोलुखुम्बुका प्रहरी निरिक्षक महेन्द्र दर्नालले जानकारी दिए । मोटरसाइकलमा गएका शेर्पालाई स्थानीय युवाले हातपात समेत गरेको र मोटरसाइकलसहित मोबाइल सेट समेत खाल्पामा नै छोडेर शेर्पा सम्पर्कविहीन बनेको प्रहरीको भनाइ छ । अहिले पनि उनको खोजी कार्य जारी रहेको दर्नालको बताए । शेर्पाका नजिकका साथीहरु तथा आफन्तहरुसँग सम्मर्क गरिएको र त्यहाँ पनि उनी नगएको बताइएको छ ।
उक्त घटनामा संलग्न रहेको आशंकामा प्रहरीले दुई युवालाई नियन्त्रणमा समेत लिइसकेको छ । प्रहरीले सल्यानकै ३० वर्षका सन्तोष राई र २७ वर्षका मिन बहादुर खड्कालाई नियन्त्रणमा लिएको जनाएको छ । प्रहरीका अनुसार ती कर्मचारीले मिन बहादुर खड्काको हातमा टोकेको पाइएको छ भने पक्राउ परेका युवकले समेत झगडा भएको स्वीकार गरिसकेका छन् । प्रहरी कर्मचारी सम्पर्कविहीन भएलगत्तै जिल्ला प्रहरीको टोलीसहित स्थानीयले घटनास्थल वरपर लगायतको ठाउँमा खोजी गर्दा समेत पत्ता लाग्न नसकेको प्रहरी निरीक्षक दर्नालको भनाइ छ । सात दिनसम्म कहीँ कतै सम्पर्कमा नहुँदा घटना रहस्यमय बनेको प्रहरीको अनुमान छ । घटनाको विषयमा अनुसन्धान भइरहेको प्रहरीले बताएको छ । २०७२ सालदेखि जिल्ला प्रहरी कार्यालय सोलुखुम्बुमा कार्यरत प्रहरी कर्मचारी (परिचर) शेर्पाको स्थायी ठेगाना ताप्लेजुङको सन्थाक्रा ३ हाल मेरिङदेन २ रहेको छ । उनको श्रीमती र एउटा छोरा छन् ।
क्याटेगोरी : बिबिध
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया