प्रदेश २ मा १४ सैनिकसहित ३६ जना संक्रमित
बटुकनाथ झा
जनकपुरधाम, साउन २१
प्रदेश नं. २ मा मंगलबार १४ जना सेनासहित ३६ जना व्यक्तिमा कोरोना संक्रमण पुष्टि भएको छ । जसअनुसार महोत्तरीमा १५ जना, धनुषामा १२ जना, सप्तरीमा ७ जना, सिरहामा १ जना र सर्लाहीमा १ जना व्यक्ति संक्रमित भएका छन् । योसँगै यस प्रदेशमा संक्रमितको संख्या ५ हजार ४५ पुगेको छ ।
संक्रमितमध्ये ४ हजार ५ सय ८८ पुरुष र ४ सय ५७ जना महिला रहेको प्रदेश स्वास्थ्य निर्देशनालयका वरिष्ठ जनस्वास्थ्य प्रशासक विजय कुमार झाले जानकारी दिए । महोत्तरीमा संक्रमण पुष्टि भएकाहरु सम्सी गाउँपालिका ३ स्थायी ठेगाना भई हाल प्रादेशिक अस्पतालमा रहेका ३२ वर्षीय एक पुरुष र रणभीम गण प्रकौली ब्यारेक जलेश्वरमा कार्यरत २४ देखि ४७ वर्ष उमेर समूहका १४ जना नेपाली सेना रहेका छन् ।
धनुषाका संक्रमितहरु जनकपुरधाम उपमहानगरपालिका वडा नम्बर १, ४ र १५ का २३ देखि ४४ वर्ष उमेर समूहका ५ जना पुरुष, जनकपुरधाम १ स्थित माछापुच्छ्रे बैंकमा कार्यरत २९ वर्षीया एक महिला, ३० र ३१ वर्षीय २ जना पुरुष कर्मचारी, सबैला नगरपालिका ७ का ३१ वर्षीय एक पुरुष, धनौजी गाउँपालिकाका २५ वर्षीय एक पुरुष, विदेह नगरपालिका २ का २२ वर्षीय एक पुरुष र जनस्वास्थ्य कार्यालय धनुषामा कार्यरत २१ वर्षीया एक महिला कर्मचारी रहेका छन् । सप्तरीको राजविराज नगरपालिका ८ का २० देखि ३८ वर्ष उमेर समूहका ७ जना पुरुष समेत संक्रमित भएका छन् भने सिरहाको औरसा ९ का ३९ वर्षीय एक पुरुष र सर्लाहीको रामनगर गाउँपालिका १ का २२ वर्षीय एक पुरुष संक्रमणको चपेटामा परेका छन् ।
प्रदेशभरिमा मंगलबारसम्म सप्तरीमा ८ हजार ८ सय ६२, सिरहामा ४ हजार २ सय १६, धनुषामा ६ हजार ४ सय ६९, महोत्तरीमा ४ हजार ८६, सर्लाहीमा ६ हजार २ सय १, रौतहटमा १५ हजार ७ सय ११, बारामा ५ हजार २ सय ७६ र पर्सामा ११ हजार ४ सय ६७ जना गरी जम्मा ६२ हजार २ सय ८८ जनाको स्वाब परीक्षण गरिएको छ । जसमध्ये ५ हजार ४५ जना संक्रमित भएका छन् भने ५४ हजार ७ सय ५ जनाको रिपोर्ट नेगेटिभ आएको छ ।
त्यस्तै सप्तरीमा ९ सय १८, सिरहामा १ सय ३५, धनुषामा ५ सय २०, महोत्तरीमा ४ सय ३६, सर्लाहीमा ९४, रौतहटमा १ सय ७१, बारामा १ सय ३६ र पर्सामा १ सय २८ जना गरी कुल २ हजार ५ सय ३८ जनाको रिपोर्ट आउन बाँकी रहेको सामाजिक विकास मन्त्रालयले जनाएको छ ।
यस प्रदेशमा मंगलबार मात्रै सप्तरीमा २ सय ८, सिरहामा १४, धनुषामा ७८, महोत्तरीमा ५१, सर्लाहीमा ३६, रौतहटमा ८६, बारामा ९५ र पर्सामा २८ जना गरी ५ सय ९६ जनाको स्वाब संकलन गरिएको छ । आरडीटीतर्फ अहिलेसम्म २६ हजार ८ सय ६७ जनाको परीक्षण गरिएकोमा सप्तरीमा ६२, सिरहामा २ सय ६३, धनुषामा १ सय ६६, महोत्तरीमा ५ सय ६, सर्लाहीमा ६, रौतहटमा १ सय २७, बारामा ४६ र पर्सामा २९ जना गरी कुल १ हजार २ सय ५ जनाको रिपोर्ट पोजेटिभ आएको छ भने २५ हजार ६ सय ६२ जनाको रिपोर्ट नेगेटिभ आएको वरिष्ठ जनस्वास्थ्य प्रशासक झाले बताए ।
प्रदेश २ को आठवटै जिल्लाका विभिन्न ठाउँहरुमा निर्माण गरिएको १५ हजार ६ सय २३ शय्या क्षमताको २ सय ५२ वटा क्वारेन्टाइनमा अहिले १ हजार ५ सय २० जनालाई राखिएको छ भने २ हजार ४ सय १ जनालाई होम क्वारेन्टाइनमा पठाइएको छ ।
प्रदेशका आठवटै जिल्लाको विभिन्न ठाउँहरुमा सञ्चालनमा रहेको २ हजार ४ सय ४९ बेड क्षमताको आइसोलेसनमा सप्तरीमा १ सय ९४, सिरहामा २५, धनुषामा ९३, महोत्तरीमा ५२, सर्लाहीमा ३०, रौतहटमा २, बारामा १३ र पर्सामा २ सय ७१ जना गरी ६ सय ८० जनालाई भर्ना गरिएको वरिष्ठ जनस्वास्थ्य प्रशासक झाले जानकारी दिए । प्रदेश २ मा सबैभन्दा बढी रौतहट जिल्लामा १ हजार २ सय ५९ जना संक्रमित भएका छन् । महोत्तरीमा ८ सय ३८, धनुषामा ७ सय ४१, सर्लाहीमा ७ सय १२, पर्सामा ५ सय ८०, सप्तरीमा ५ सय २२, सिरहामा २ सय १५ र बारामा १ सय ७८ जना व्यक्तिमा कोरोना संक्रमण पुष्टि भएको हो ।
पछिल्लो २४ घण्टामा यस प्रदेशमा २७ जना व्यक्ति अस्पतालबाट डिस्चार्ज भएका छन् । डिस्चार्ज हुनेहरुमा धनुषाका १, सर्लाहीका १८ र बाराका ८ जना व्यक्तिहरु छन् । योसँगै हालसम्म यस प्रदेशमा सप्तरीका ३ सय ५४, सिरहाका १ सय ६६, धनुषाका ५ सय ८०, महोत्तरीका ३ सय ४४, सर्लाहीका ६ सय ५२, रौतहटका ७ सय ५०, बाराका १ सय ७० र पर्साका १ सय ९५ जना गरी ३ हजार २ सय ११ जना संक्रमितहरु डिस्चार्ज भई आ–आफ्नो घर फर्किसकेका छन् । प्रदेश २ मा हालसम्म पर्सामा १२, बारामा २, रौतहटमा २, महोत्तरीमा १, धनुषामा १ र सप्तरीमा १ जना गरी १९ जनाको कोरोना संक्रमणका कारण मृत्यु भइसकेको सामाजिक विकास मन्त्रालयले जनाएको छ ।
क्याटेगोरी : बिबिध
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया