आशिष बहादुर सिंह
बझाङ, भदौ ७
२० वर्षपछि जनताले जनप्रतिनिधि पाउँदा जनताका मुहारमा जति खुसी छाएको थियो त्यति नै चुनाव भएको तीन वर्ष बितिसक्दा भने निराशा छाएको छ । समग्र बझाङलाई पाँच वर्षमा समृद्ध बनाउने माननीयहरूको चुनावी पहिलो एजेन्डा पनि थियो । तर बाचा पूरा हुन त के, कामको सुरुवातसम्म भएन । यतिबेला गाउँ–गाउँमा सिंहदरबार होइन, गाउँ–गाउँमा ‘सिंह’ पुगेको आभाष जनताले गरेका छन् । जनता भन्छन्, ‘जनप्रतिनिधि आउँदा सुख पाइन्छ भन्ने लाग्थ्यो, यहाँ त नेताहरूले रगतपसिना चुसेको जस्तो आभाष भएको छ ।’
नेताले चुनावका बेला जनतालाई सुख, शान्ति, समृद्धि ल्याउँछौ भन्दै घर–घरमै पुगेर खाएको बाचा भुलिसकेका छन् । जनताले भने दुःखकष्ट भुल्न सकेको छैन । चार वर्ष नबित्दै भुसुक्क भुलेका बचनले जनताका लागि मात्र पीडा नभई स्वयम् नेताको भविष्यमा पनि दाग लागिसकेको छ । चुनावका बेला घरघरमा पुग्ने नेता सिंहदरबार छोड्न नसक्ने भएका छन् । स्थानीय सरकार, प्रदेश सरकार र संघीय सरकारका नजरमा जनता अझै पर्नै सकेनन् । गाउँमा कतिपय बिरामी उपचार नपाई ज्यान गुमाउनु परेको छ भने कतिपय गाउँकै जडीबुटी सेवन गरी बाँच्नुलाई भाग्य मानिरहेका छन् ।
जिल्लाको एक मात्र खोड्पे बझाङ, जयपृथ्वी राजमार्गको वर्षा सिजनमा यो ठाँउमा सधैँ यातायात अवरुद्ध हुने गरेको छ । यस्तै जयपृथ्वी राजमार्ग बागथला, देउरा नारुगौडा, पथुडा पाल्तीछडा ह्यापी खोला झनाना, जालेबगर तमैल कचाली खोला, सुबेडालगायतका ठाउँमा वर्षेनी वर्षाको समयमा सडक अवरोध हुँदा स्थानीयस्तरदेखी सांसदको पनि ध्यान जान सकेको छैन । सिमखेतमा समेत तलबाट बाहुलीगाडले कटान सुरु गरेपछि राजमार्ग नै अवरुद्ध बनेको छ । वर्षेनी समस्या झेल्दै आएका बझाङवासीलाई नेताले कुनै गुन लाउन सकेको छैनन् । सबै स्थानीय तहमा सबैका समस्या छन् तर वास्तविक समस्या भएको ठाउँमा योजना वितरण हुँदैनन् । प्रदेश र संघबाट विनियोजन हुने योजनाबाट १५ प्रतिशत अग्रीम कमिसन माग्ने चलनले जिल्लाको विकास हुन नसकेको नागरिक समाजका अगुवा धर्मजङ सिंहले बताए ।
बझाङमा १२ ओटा स्थानीय तह रहेका छन् । जिल्लाभर अति दुर्गम सैपाल गाउँपालिकास्थित खोला र नदीहरूमा पुल तथा झोलुङ्गे पुल छैनन् । कहीँ कतै भए पनि त्यो पर्याप्त छैन र उपयुक्त अवस्थामा छैन । ज्यानको बाजी लगाएर खोला तर्छन् यहाँका जनता । गाउँमा कोही बिरामी परिहाले त्योभन्दा बढी दुःख र आपत् अरु केही हुँदैन । सुत्केरी महिला र बुढापाकालाई जिल्ला अस्पतालसम्म पु-याउन तीनदेखि चारदिन पैदल हिँड्नु पर्छ । कति बिरामीले समयमा अस्पताल नपुगेर बाटैमा ज्यान गुमाउनु परेको फुला बोहराले बताइन् । स्थानीय सरकारदेखि सांसदले विकासको लागि जिल्लामा सबैले पहल गरी विकासका लागि बहस गरेर अगाडि बढ्नुपर्ने जिल्लाका जानकार बताउँछन् ।
क्याटेगोरी : बिबिध
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया