मारवाडी सेवा समिति नेपालको वार्षिक साधारणसभा

काठमाडौं, पुस ११
मारवाडी सेवा समिति नेपालको वार्षिक साधारणसभा सम्पन्न भएको छ । उद्योग वाणिज्य तथा आपूर्ति राज्यमन्त्री मोतीलाल दुगडको प्रमुख आतिथ्यतामा मंगलबार साधारणसभा सम्पन्न भएको हो । साधारणसभामा समितिका महासचिव विनोद कुमार सेठीयाले कार्यसमितिको तर्फबाट आ.व. ०७५/०७६ को संस्थाको कार्य प्रगति प्रतिवेदन पेश गरेका थिए । सभामा प्रतिवेदनमाथि छलफल भई सर्वसम्मतिले पारित गरिएको बताइएको छ । त्यसैगरी कोषाध्यक्ष नारायण बजाजले प्रस्तुत गरेको आ.ब. ०७५/०७६ को लेखा परीक्षण भएको वासलात माथि छलफल भई सर्वसम्मतिले पारित गरिएको थियो ।

कार्यक्रममा उपाध्यक्ष कमलेश कुमार अग्रवालले समितिको विधान २०४७ (संशोधित २०७३ सहित) को व्यवस्थाबमोजिम नेपालमा स्थायी बसोवास गर्ने सम्पूर्ण आजीवन सदस्यहरुलाई मताधिकार प्राप्त भएको जानकारी गराएका थिए । कार्यक्रममा मन्त्री मोतीलाल दुगडले सबैलाई समेटी संस्थालाई अगाडि बढाउन आग्रह गरे । सभाले नयाँ कार्यसमिति समेत चयण गरेको छ । संस्थाको अध्यक्षमा बसन्त कुमा चौधरी सर्वसम्मत अध्यक्ष पदमा नव निर्वाचित भएका छन् । नव निर्वाचित अध्यक्ष चौधरीले सबैलाई समेटी विधान सम्मत संस्था सञ्चालन गर्ने बताए ।