सुबास बस्नेत
दोलखा ।
जिल्लाभित्र रहेका व्यवसायीहरुलाई लक्षित गरेर दोलखाको सदरमुकाम चरीकोटमा पहिलोपटक कर कार्यालय स्थापना भएको छ । आन्तरिक राजस्व कार्यालय धुलिखेलले शुक्रबारदेखि सदरमुकाम चरीकोटबाट करदाता सेवा सुरु गरेको हो । योसँगै जिल्लाका साना व्यवसायीहरु लाभान्वित हुने भएका छन् ।
प्रमुख जिल्ला अधिकारी रमेशप्रसाद शिवाकोटीले करदाता सेवा कार्यालयलाई नै प्यान नम्बर प्रदान गरी सेवा सुरु गरेका थिए । प्रजिअ शिवाकोटीले करदातालाई रहरले कर तिर्ने वातावरण सिर्जना गर्न कर्मचारीहरुलाई आग्रह गरे । जिल्लाबाट सेवा सुरु भएसँगै साना व्यवसायीलाई धेरै सहज हुने र करदाता संख्या पनि थपिने अनुमान गरिएको करदाता सेवा कार्यालय दोलखाका प्रमुख रामकुमार श्रेष्ठले बताए ।
कार्यालय सञ्चालनमा आएसँगै व्यक्तिगत प्यान, व्यावसायिक प्यान र भ्याट दर्ता तथा खारेज, करचुक्ता प्रमाणपत्र प्रदान, कर विवरण, आय विवरण, अन्तःशुल्क विवरण बुझाउनेलगायतका सेवा लिन जिल्लाबाहिर जानु नपर्ने प्रमुख श्रेष्ठको भनाइ छ । चालू आर्थिक वर्षको असोज २८ गतेसम्म दोलखा जिल्लामा १० हजार तीन सय नौवटा प्यान तथा भ्याट दर्तामा रहेको कार्यालयले जनाएको छ ।
आर्थिक वर्ष २०७६/०७७ मा दोलखाबाट प्यान, भ्याट र अन्तःशुल्कबापत १५ करोड २७ लाख ७४ हजार तीन सय दुई रुपैयाँ राजस्व संकलन भएको कार्यालय प्रमुख श्रेष्ठले जानकारी दिए । जिल्लामा व्यक्तिगत प्यान दुई हजार दुई सय ९४, व्यावसायिक प्यान छ हजार आठ सय आठ, भ्याट एक हजार १८, सरकारी कार्यालयको प्यान ४४, शैक्षिक प्यान १६, स्वास्थ्य प्यान आठ, अन्तःशुल्क ५१ वटा गरी कुल १० हजार तीन सय नौ करदाता रहेको कार्यालयको तथ्यांक छ । जिल्लामै कर कार्यालय स्थापना भएसँगै स्थानीय व्यवसायीहरु कर तिर्न अन्यत्र जानुपर्ने झन्झठबाट मुक्त भएका छन् ।
क्याटेगोरी : बिबिध
ताजा अपडेट
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया