‘समृद्धि सिस्को नेटवर्किङ एकेडेमी’ सञ्चालनमा
काठमाडौं ।
समृद्धि स्कूल÷कलेजले अन्तर्राष्ट्रियस्तरको ‘समृद्धि सिस्को नेटवर्किङ्ग एकेडेमी’ स्थापना गरेको छ । सूचना तथा सञ्चार प्रविधिसँग सम्बन्धित जनशक्ति स्वदेशमा नै उत्पादन गर्ने र समृद्धि कलेज, समृद्धि स्कूल र काठमाडौं बिजनेस क्याम्पसअन्तर्गत अध्यापन गराईने बीसीए र बीबीएस कार्यक्रमका विद्यार्थीहरुलाई स्वरोजगार र उद्यमशील बनाउने उद्देश्यले ‘समृद्धि सिस्को नेटवर्किङ्ग एकेडेमी’ स्थापना गरेको हो । बजारको आवश्यकताअनुरूप सूचना प्रविधि क्षेत्रमा एक्काईसौँ शताब्दीको दक्ष जनशक्ति निर्माण गरी यस क्षेत्रमा योगदान गर्ने उद्देश्य यस एकेडेमीले राखेको छ ।
समृद्धि स्कूल÷कलेजका अध्यक्ष मनोहर कुमार भट्टराईको अध्यक्षतामा उद्घाटित उक्त समारोहमा कलेजका सीईओ/प्रिन्सिपल नरेश प्रसाद श्रेष्ठले कोभिड १९ को बाबजुद पनि विद्यार्थीहरुको सर्वाङ्गीण विकासको लागि अध्ययनरत आफ्ना विद्यार्थीहरुको उद्यमशीलता तथा रोजगारमूलक सीप प्रवद्र्धन गर्नको लागि यस एकेडेमीले निकै महत्व पूर्ण सहयोग पु-याउने बताए । त्यसैगरी कार्यक्रममा पूर्ववातावरण, विज्ञान तथा प्रविधिमन्त्री गणेश शाहले अबको पुस्ताले समयसापेक्ष शिक्षा हासिल गरी सरकारी कामलाई इ–गभर्नमेन्ट तथा पार्लियामेन्टलाई पनि इ–पार्लियामेन्ट बनाई आईटी युजर बढाउनुपर्ने बताए ।
नेपाल विज्ञान तथा प्रविधि प्रज्ञा–प्रतिष्ठानका उपकुलपति डा. सुनिलबाबु श्रेष्ठले यस कार्यक्रमले शिक्षाजगत्मा नै नयाँ आयाम थपेको बताए । श्रीलंकाबाट अनलाइनबाट जोडिएकी सिस्को नेटवर्क एकेडेमी सार्ककी क्षेत्रीय मेनेजर कालाहरि कलुरार्चीले नेपालको सूचना प्रविधि जनशक्ति निर्माणमा सिस्को नेटवर्क एकेडेमीले यथासम्भव सहयोग गर्ने तथा सिस्कोद्वारा सूचना प्रविधि क्षेत्रमा प्रदान गरिने विश्वस्तरीय तालिमबाट विद्यार्थीहरुको सीप र व्यक्तित्व विकासमा सहयोग पु-याई प्रमाणपत्रमा मात्र केन्द्रित नभएर जीवनको जटिल अवस्थाको सामना गर्नसक्ने बनाउन यस एकेडेमीले सहयोग पु-याउने बताइन् ।
क्याटेगोरी : बिबिध
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया