चियाको गुणस्तर बढाउन ‘सीप विकास परियोजना’
ईलाम ।
केन्द्रीय चिया सहकारी संघले चियाको गुणस्तर बढाउन ‘सीप विकास परियोजना’ सञ्चालन गर्ने भएको छ । संघले उद्योगी, किसान र श्रमिकलाई दक्ष बनाउन १२ जिल्लामा ‘गुणस्तरीय चिया उत्पादनका लागि सीप विकास परियोजना’ सुरु गर्ने भएको हो । सो परियोजना युरोपेली संघको लगानी र ब्रिटिस काउन्सिलको व्यवस्थापनमा सञ्चालन हुनेछ ।
उक्त परियोजना चिया उत्पादन हुने जिल्लाहरू इलाम, पाँचथर, झापा, ताप्लेजुङ, मोरङ, धनकुटा, तेह्रथुम, उदयपुर, भोजपुर, सङ्खुवासभा, रामेछाप, ललितपुरमा सञ्चालन हुनेछ । परियोजनाद्वारा सञ्चालित तालिम इलाममा पाँच, पाँचथरमा दुई, झापा, धनकुटा, तेह्रथुम, ललितपुर, संखुवासभामा एक/एक वटा स्थानमा रहनेछन् । तालिम १५ महिना अवधिको रहनेछ । सीप विकास तालिमबाट तीन सय दक्ष युवा जनशक्ति उत्पादन गरिनेछ ।
गुणस्तरीय चिया उत्पादनका लागि आवश्यक पर्ने टोलीनेता, वित्त अधिकृत, सञ्चार तथा तथ्यांक अधिकृत, तालिम तथा तथ्यांक अधिकृत, प्रशासन तथा परियोजना सहायक, मुख्य, सहायक प्रशिक्षक र स्थानीय व्यवस्थापन सहयोग सहायक (तह १) को सीप तालिममा सिकाइने छ । छनोटमा परेका सबैलाई परियोजनाको स्थानीय साझेदार रत्नकुमार वान्तवा पोलिटेक्निकल इन्स्टिच्युटले प्राविधिक शिक्षा तथा व्यावसायिक तालिम परिषद् (सीटीईभीटी) मापदण्डको तालिम गराउने परियोजनाका डा. सुमित अधिकारीले बताए । डा. अधिकारीका अनुसार २० प्रतिशत सैद्धान्तिक र ८० प्रतिशत प्रयोगात्मक तालिम हुनेछ ।
परियोजनाअन्तर्गत एक पटकमा २० जनालाई तालिम गराइनेछ । विभिन्न ठाउँमा गरेर परियोजनाअन्तर्गत तीन करोड ११ लाख ५६ हजार चार सय ६३ रूपैयाँ खर्च गरिनेछ । कुल लागतमा दुई करोड १५ लाख ५० हजार तीन सय रूपैयाँ कार्यक्रममा खर्च गरिनेछ । यस्तै पाँच लाख १० हजार छ सय रूपैयाँ सञ्चालन खर्च गरिनेछ । १८ लाख ६५ हजार पाँच सय ६३ रूपैयाँ प्रत्यक्ष खर्च गरिनेछ । दुई करोड ८५ लाख १६ हजार चार सय ६३ रूपैयाँ दक्षताको कोष सहयोग, कार्यक्रम कार्यान्वयन गर्ने संस्था केन्द्रीय चिया सहकारी संघ लिमिटेडको २६ लाख ४० हजार रूपैयाँ योगदान रहने संघका अध्यक्ष गोविन्द दाहालले जानकारी दिए ।
क्याटेगोरी : बिबिध
ताजा अपडेट
- तोलामा रु दुई हजार सात सयले घट्यो सुनको मूल्य
- प्रधानमन्त्रीसँग रुसको चेम्बर्स अफ कमर्स एन्ड इन्डस्ट्रिका प्रतिनिधिमण्डलको भेट
- कतारी अमिरको नेपाल भ्रमण, सुरक्षा व्यवस्था चुस्त
- कतारका अमिरको स्वागतमा सिँगारियो
- सभामुखद्वारा लोकतान्त्रिक सङ्घर्षमा जीवन उत्सर्ग गर्ने सहिदहरूप्रति श्रद्धाञ्जलि अर्पण
- नेकपा एसद्वारा स्थायी कमिटी बैठक आह्वान
- वीरगञ्जको अलौमा आगलागी हुँदा सात घर जले
- आइक्यान पदाधिकारीका लागि अडानका चार जनाको उम्मेदवारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया