Techie IT
×
गृहपृष्ठबिबिधदलित बच्चालाई पौष्टिक आहार वितरण

दलित बच्चालाई पौष्टिक आहार वितरण


दोलखा ।
दोलखाको वैतेश्वर गाउँपालिकाभित्रका आठवटै वडाका करिब तीन सय दलित बालबालिकालाई पौष्टिक आहार वितरण गरिएको छ । वैतेश्वर गाउँपालिकाको पहुँच परियोजनाअन्तर्गत सेभ द चिल्ड्रेनको सहयोगमा छ महिनादेखि पाँच वर्षसम्मका सबै वडाका करिब तीन सय दलित बालबालिकालाई पौष्टिक आहारको लागि सर्वोत्तम पिठो वितरण गरिएको वैतेश्वर गाउँपालिकाले जनाएको छ । शुक्रबार, शनिबार र आइतबार गाउँपालिका अध्यक्ष छवि लामाको उपस्थितिमा प्रत्येक वडामा पुगेर एक बच्चालाई नौ किलोका दरले २७ सय किलो सर्वोत्तम पिठो वितरण गरिएको गाउँपालिकाले जनाएको छ ।

गरिब तथा दलित बालबालिकाले बाल्यकालमा चाहिने पौष्टिक तत्वको आवश्यकताअनुसार खान नपाउँदा रोगसँग लड्ने क्षमता कम हुँदा विभिन्न रोगले आक्रमण गर्ने तथा मृत्यु समेत हुने हुँदा गैरसरकारी संस्था सेभ द चिल्ड्रेनको आर्थिक सहयोग तथा गाउँपालिकाको समन्वयमा तीन दिन गाउँपालिकाभित्रका सबै वडाका दलित तथा गरिब बालबालिकालाई पौष्टिक आहार वितरण गरिएको हो ।


क्याटेगोरी : बिबिध

तपाईको प्रतिक्रिया