Techie IT
×
गृहपृष्ठबिबिधजागिर लगाइदिने भन्दै मान्छेलाई चीन लगेर बेच्ने एक व्यक्ति पक्राउ

जागिर लगाइदिने भन्दै मान्छेलाई चीन लगेर बेच्ने एक व्यक्ति पक्राउ


काठमाडौं ।
५० वर्षीया महिलालाई चीनमा व्यापार तथा रोजगार गर्ने प्रलोभनमा पारी ललाइफकाइ गैरकानुनी रूपमा चीन पु-याएर बेच्ने व्यक्तिलाई प्रहरीले पक्राउ गरेको छ । मानव बेचबिखन गर्ने कार्यमा संलग्न रहेको अभियोगमा प्रहरीले ललितपुर पाटन बस्ने काभ्रेपलाञ्चोक रोशी गाउँपालिका ४ घर भएका ३२ वर्षीय किरण तामाङलाई सोमबार पक्राउ गरेको हो । तामाङले २०७६ पुस २५ गते त्रिभुवन अन्तर्राष्ट्रिय विमानस्थलबाट आफूसँगै चीनको सान्दोङ प्रान्त हेज सहरको ताङ्लो टोल बस्ने ताम्पु थोङ भन्ने चिनियाँ नागरिकको घरमा लगेर ती महिलालाई बिक्री गरेका थिए ।

बिक्री गरेपश्चात् ताम्पुले ती महिलालाई शारीरिक र मानसिक यातना दिई बन्धक बनाई राखेको सामाजिक सञ्जानमार्फत जानकारी गराएपछि प्रहरी प्रधान कार्यालय, मानव बेचबिखन अनुसन्धान व्यूरोलगायत विभिन्न निकायको समन्वयमा गत कात्तिक १२ गते उनी नेपाल फर्केकी थिइन् । नेपाल फर्किसकेपछि पीडितले दिएको जाहेरीको आधारमा उक्त व्यूरोबाट खटिएको प्रहरीले तामाङलाई काठमाडौँ महानगरपालिका ३ सानेपाबाट पक्राउ गरेको हो । तामाङउपर काठमाडौँ जिल्ला अदालतबाट म्याद थप भई आवश्यक अनुसन्धान भइरहेको व्यूरोले जनाएको छ ।


क्याटेगोरी : बिबिध

तपाईको प्रतिक्रिया