दोलखा ।
चिसो बढेपछि चरीकोट–जिरी सडकखण्डको कालोपत्रे गर्न समस्या भएको छ । चरीकोटदेखि जिरीसम्म जोड्ने चरीकोट–जिरी सडकखण्डको हालसम्म १५ किलोमिटर कालोपत्रे भएको छ । चरीकोट–जीरी सडकखण्डको चरीकोटदेखि तामाकोशीसम्म १७ किलोमिटर सडक पुस अन्त्यसम्म कालोपत्रे गरिसक्ने लक्ष्य लिए पनि चिसो बढेपछि समस्या भएको निर्माण कम्पनीले जनाएको छ । जाडो मौसममा कालोपत्रे गर्न तापक्रम नपुग्ने हुँदा कालोपत्रको काममा असर पुगेको हो । गत चैतदेखि कालोपत्रेको काम सुरु गरिए पनि कोरोना भाइरसको संक्रमणको रोकथामका लागि सरकारले गरेको लकडाउनका कारण काममा ढिलाइ भएको निर्माण कम्पनी उडहिल/लामा जेभीका मुख्य परामर्शदता राजेन्द्र पौडेलले बताए ।
चरीकोटदेखि जिरीसम्मको ५५ किलोमिटर सडकखण्डको चरीकोटदेखि तामाकोशी नदिसम्म १७ किलोमिटर छ । अब यस खण्डमा करिब २ किलोमिटर मात्रै कालोपत्रे गर्न बाँकी छ । उक्त माघभित्रमा पूरा हुने पौडेलले जानकारी दिए । अहिले पनि मौसम सुधार हुँदा तापक्रम हेरेर तामाकोशीसम्मको खण्डमा कालोपत्रेको काम जारी छ । काठमाडौँबाट जिरी जोड्ने मुख्य राजमार्गको रूपमा रहेको यस खण्डको काम डेढ वर्षअघि सुरु भएको हो । अहिलेसम्म कम्पनीले चरीकोटदेखि तामाकोशीसम्म कालोपत्रे सकाउन लागेको छ । त्यस्तै तामाकोशीदेखि जिरीसम्म ग्याबिन, पुल, नाली, टेवा पर्खाल, कल्भर्टको काम भइरहेको छ । तामाकोशीदेखि जिरीको बीचमा रहेको नाम्दुदेखि मैनापोखरीसम्मको खण्डमा सब बेसको काम समेत सकिएको छ ।
कम्पनीले तामाकोशीदेखि नाम्दुसम्ममा समेत कालोपत्रे हाल्ने तयारी थालेको छ । सडकको परामर्शदाता सिमत–ईआरएमसी जेभी रहेका छन् । सडकका परामर्शदाता प्रमुख पौडेलले महामारीको बीचमा पनि स्वास्थ्य नै जोखिममा राखेर काम गरिरहेको बताए । उक्त सडक विस्तार भारतीय एक्जिम बैंकको ऋण सहयोगमा सडक भइरहेको हो ।
क्याटेगोरी : बिबिध
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया