Techie IT
×
गृहपृष्ठबिबिधविद्यार्थीलाई न्यानो कपडा वितरण

विद्यार्थीलाई न्यानो कपडा वितरण


काठमाडौं ।
परोपकारी युवा सञ्जाल नेपालले विद्यार्थीहरुलाई न्यानो कपडा तथा शैक्षिक सामग्रीहरु वितरण गरेको छ । सञ्जालले धादिङ्ग जिल्ला अत्यन्तै विकट ठाउँ रोराङ्ग ८ यार्बाङ्गमा रहेको विपन्न चेपाङ बालबालिका अध्ययन गर्ने जलकन्या आधारभूत विद्यालयमा पुगी ४२ जना विद्यार्थीको लागि न्यानो कपडा, शैक्षिक सामग्री र स्कुल ब्याग सहयोग गरेको सन्जालका सदस्य रमेश सापकोटाले बताए ।

लामो समयदेखि अभावमा रहेका विपन्न समुदायलाई लक्षित सहयोग कार्यक्रम गर्दै आइरहेको सञ्जालले हरेक महिना यस्तो कार्यक्रम गरिरहेको छ । विशेषगरी विपन्न बालबालिकालाई शैक्षिक सामग्री अभावमा पढ्नबाट वञ्चित हुनु नपरोस् भन्दै यो कार्यक्रम जारी राखेको सञ्जालका सदस्य तिर्थ प्याकुरेलले बताए ।

आगामी शैक्षिक सत्रमा दुई हजार विद्यार्थीलाई यो सहयोग गर्ने योजना रहेको सञ्जालका सदस्य दिपेश पराजुली बताउँछन् । उक्त कार्यक्रममा युवा समाजसेवी हेटौंडाका व्यवसायी रामचन्द्र रुपाखेती, युवराज भण्डारी, वीरेन्द्र यादव, नारायण श्रेष्ठ, सन्जय चौधरीलगायतको उपस्थिति थियो ।



तपाईको प्रतिक्रिया