होलसेल तरकारी तथा फलफूल बजार सञ्चालनमा

काठमाडौं ।
चाबहिलमा तरकारी तथा फलफूल होलसेल आधुनिक कृषि बजार सञ्चालनमा आएको छ । कृषि बजारको शनिबार माइती नेपालकी अध्यक्ष तथा सामाजिक अभियन्ता अनुराधा कोइरालाले उद्घाटन गरेकी हुन् । कृषि बजारमा रहेको दुई सय ५० स्टलमार्फत अर्गानिक तरकारी तथा फलफूलहरू सुपथ मूल्यमा उपलब्ध गराइने भएको छ । अब सम्पूर्ण उपभोक्ताहरूले रोजीरोजी, ताजा र चाहेजस्तो तरकारी तथा फलफूल खरिद गर्न पाउनेछन् ।

मुख्यतया बजारको उद्देश्य भनेको सम्पूर्ण उपभोक्तालाई उचित मूल्यमा सबै प्रकारका तरकारी तथा फलफूलहरू उपलब्ध गराउनु रहेको आधुनिक कृषि बजारका अध्यक्ष रबिन्द्र ज्वारचनले बताए । यसरी सम्पूर्ण उपभोक्ताहरूको सहजताका लागि सञ्चालनमा ल्याइएको, चाबहिल तरकारी तथा फलफूल होलसेल कृषि बजार, ओम् अस्पतालको पछाडिपट्टि अवस्थित छ ।