बीरगञ्ज ।
वीरगञ्ज–पथलैया ६ लेन सडकको निर्माण कार्यमा अति नै ढिलाइ भइरहेको छ । बढ्दो गर्मीसँगै सडक धुलाम्य हुँदा पनि ठेकेदार कम्पनीको लापरबाहीले यात्रीहरूले सास्ती खेप्नुपरेको छ । वीरगञ्ज–पथलैया, वीरगञ्ज–पोखरिया र सुक्खा बन्दरगाह–परवानीपुर सडकखण्डको काम भइरहेको लामो समय बितिसक्दा पनि अहिलेसम्म सडकको काम सम्पन्न भएको छैन ।
वीरगञ्ज–पथलैया सडकखण्डबाट दैनिक हजारौँको संख्यामा मालवाहक, यात्रुवाहक र निजी सवारीसाधनहरू ओहरदोहर गर्छन् । तर सडक निर्माणमा भएको ढिलाइसँगै ठेकेदार कम्पनीले आफ्नो दायित्वअनुसार सडकमा पानी छर्ने काम नगर्दा यो सडकखण्डमा गुड्ने सवारीसाधनहरूमा यात्रा गर्ने यात्री, चालकहरूले निकै समस्या भोग्नुपरेको एक यात्रुले बताए ।
उनले वीरगञ्जबाट पथलैया जाँदा पूरै कपडा बर्बाद हुने र धूलोले श्वासप्रश्वासमा समेत कठिनाइ भइरहेको बताए । ड्राइपोर्टको लक्ष्मी आयलदेखि आईसीपीसम्म सडक विस्तार तथा तिलावे पुलको काममा पनि ढिलाइ गरेको र गर्मी बढेर धुलाम्य सडकमा पानी नछर्दा सो सडकखण्ड प्रयोग गर्नेलाई समस्या भएको छ ।
सरकारले सडक विस्तार वा पुल निर्माणको काम गराउन ठेक्का सम्झौता गर्दा सडकमा पानी छर्केर धूलो नउड्ने गरी सडकको कामलाई पूरा गर्नुपर्ने सर्त राखेको हुन्छ । तर ठेकेदारले चरम लापरबाही गरिरहेको उनको भनाइ ।
वीरगञ्ज–पथलैया सडकखण्डमा पप्पु, एमआर कन्टेक, युनाइटेड, दिवा सपना जस्ता निर्माण कम्पनीहरूले काम गरिरहेका छन् । सडक विस्तारको नियमन गर्ने निकाय वीरगञ्ज–पथलैया व्यापारिक मार्ग परियोजना कार्यालय पथलैया हो । तर उसको पनि उदासीनताको कारण यस भेगका जनताले सास्ती भोग्नुपरेको सर्वसाधारणको गुनासो छ ।
क्याटेगोरी : बिबिध
ताजा अपडेट
- राजनीतिले लगानीकर्तामाझ उत्साह भर्न सक्नपर्छः राष्ट्रपति
- जङ्गलभरि आगलागी : बासस्थान खोज्दै गाउँ झरे वन्यजन्तु
- दलका कार्यसमितिको विवरण उपलब्ध गराइदिन निर्वाचन आयोगलाई शिक्षा मन्त्रालयको अनुरोध
- सोह्रौँ योजनाले एकीकृत पूर्वाधार र सूचना प्रविधिको बिस्तारमा जोड दिएको छः प्रधानमन्त्री
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया