Techie IT
×
गृहपृष्ठबिबिधकेदारस्यु गाउँपालिकाको आधा दर्जन बढी गाउँमा बिजुली

केदारस्यु गाउँपालिकाको आधा दर्जन बढी गाउँमा बिजुली


बझाङ ।
जिल्लाको केदारस्युँ गाउँपालिकामा रहेको दोगडे खोलामा लघु जलविद्युत् (माइक्रोहाइड्रो) आयोजना निर्माण सम्पन्न भएपछि यहाँका आधा दर्जन बढी गाउँमा बिजुली बत्ती बलेको छ । गाउँपालिकाको वडा नम्बर ६ का आधा दर्जन बढी गाउँमा बिजुली बत्ती बलेपछि स्थानीयहरू खुसी भएका छन् ।

गाउँनजिकैको दोगडे खोलामा लघु जलविद्युत् आयोजना निर्माण गरेर सञ्चालनमा आएपछि विनाडा, भाडसैन, त्याडिगाँउ, र गाँजरीमा बत्ती बलेको हो । २०७० सालबाट निर्माणाधीन अवस्थामा रहेको ५५ किलोवाट क्षमताको दोगडे खोला लघु जलविद्युत् आयोजनाको निर्माणकार्य सम्पन्न भएको छ । वैकल्पिक ऊर्जा, केदारस्युँ गाउँपालिका र वडा कार्यालयलको करिब दुई करोड लागतमा आयोजना सम्पन्न भएको आयोजनाका अध्यक्ष विर्ख गुर्धामीले बताए ।

दोगडे खोलामा लघु जलविद्युत् आयोजनाबाट केदारस्युँ गाउँपालिकाका विनाडा, भाडसैन, त्याडिगाँउ, गाँजरीका बासिन्दा लाभान्तित भएका छन् । यस्तै थापागाउँ, सिङराली, गोठेखान र रोतागाडामा घरमा वाइरिङ्गको काम सञ्चालनमा रहेकाले ती गाउँमा छिट्टै बिजुली बत्ती पुगाउने अध्यक्ष गुर्धामीले बताए । गाउँमा बिजुली बलेसँगै गाउँका विद्युतीय सबै समस्या समाधान भएकोे तथा स्थानीय सरकार भएको अनुभूति भएको स्थानीय खडक धामीले बताए ।


क्याटेगोरी : बिबिध

तपाईको प्रतिक्रिया