Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबिबिधभरतपुरको सीजी ल्यान्डमार्कमा पनि केएफसी

भरतपुरको सीजी ल्यान्डमार्कमा पनि केएफसी


चितवन ।
अमेरिकी फास्टफुड चेन केएफसीले चितवनमा पनि आउटलेट सुरु गरेको छ । केएफसीले चितवनको भरतपुरस्थित अत्याधुनिक व्यापारिक कम्प्लेक्स सीजी ल्यान्डमार्कमा नयाँ आउटलेट खोलेको हो । उक्त आउटलेटको उद्घाटन सीजी ल्यान्डमार्कका अध्यक्ष राजेन्द्र अर्याल र म्यानेजर उज्ज्वल केसीले बुधबार गरेका हुन् । नेपालमा केएफसीको अधिकृत प्रतिनिधि देवयानी इन्टरनेशनलले नेपाल प्रालिले उक्त रेस्टुराँ सञ्चालनमा ल्याएको हो ।

कार्यक्रममा अर्यालले विभिन्न अन्तर्राष्ट्रिय ब्रान्डलाई चितवनका उपभोक्तामाझ पु¥याउने सीजी ल्यान्डमार्कको उद्देश्यअनुरुप केएफसीलाई चितवन भित्र्याएको बताए । पोल्ट्रीको राजधानी मानिने चितवनमा चिकेन परिकारमा विश्वभर ख्याति कमाएको केएफसीको प्रवेशले यहाँको पोल्ट्री व्यवसाय प्रवर्द्धनमा समेत योगदान गर्ने अर्यालले बताए । केएफसीले अन्तर्राष्ट्रिय स्वादका परिकार पस्केर चितवनसँग सुमधुर सम्बन्ध विकास गर्ने समेत उनले बताए । सीजी ल्यान्डमार्कका म्यानेजर केसीले मल कल्चरमा आकर्षित चितवनवासीलाई केएफसीले अर्को अन्तर्राष्ट्रिय ब्रान्डसँग जोडेको बताए । यसले चितवनको आधुनिक जीवनशैलीमा उचाइ थप्ने उनको भनाइ छ ।

कोभिड–१९ को महामारीबीच सञ्चालनमा आएको केएफसीले ग्राहकलाई संकक्रमबाट जोगाउन अन्तर्राष्ट्रियस्तरको चार तहको सुरक्षा मापदण्ड अपनाएको छ । केएफसीका सम्पूर्ण परिकार अन्तर्राष्ट्रिय मापदण्डअनुसार तयार हुने र उच्च गुणस्तरका छन् । यो रेस्टुराँ १५१५ वर्गफिट क्षेत्रफलमा सञ्चालन भएको छ । यसले एकपटकमा ४० जनालाई सेवा दिन सक्नेछ । रेस्टुराँले सुरुकै दिनबाट ‘टेक अवे’ र ‘मेरो किनमेल’मार्फत होम डेलिभरी सेवा सुरु गरिसकेको छ । यो रेस्टुराँमा १५ जनाले प्रत्यक्ष रोजगारी पाएका छन् ।


क्याटेगोरी : बिबिध

तपाईको प्रतिक्रिया