स्याङ्जाको चापाकोट नगरपालिकामा २६ जना संक्रमित, ८० जनाको स्वाब संकलन
चापाकोट ।
स्याङ्जाको चापाकोट नगरपालिकामा झण्डै ८० जनाको स्वाब संकलन गरिएको छ । पछिल्लो केही दिनयता कोरोना भाइरस संक्रमण बढ्नथालेपछि शुक्रबार नगरपालिकाले १० वटै वडामा नमूना स्वाब संकलन गरी परीक्षण गर्नलागेको हो ।
नगरपालिका मेयर शिव गिरीका अनुसार संकलित स्वाबको रिपोर्ट आउन बाँकी छ । चापाकोटका ४, ९ र १० नम्बर वडामा कोरोनाको अलि बढी नै प्रभाव देखिएको गिरीले जानकारी दिए । चापाकोटमा अहिले २६ जना संक्रमित रहेको नगरपालिकाले जनाएको छ । नगरपालिकाका सूचना अधिकारी तथा स्वास्थ्य प्रमुख विन्दु कोइरालाले हालसम्म नगरपालिकामा उक्त संक्रमित भेटिएको जानकारी दिए ।
यसैबीच, नगरपालिकाको ८ नम्बर वडाका एक जनाको संक्रमणकै कारण चितवनको भरतपुरमा उपचारका क्रममा मृत्यु भएको छ । यद्यपि जिल्लाले मृत्युबारे बताउन बाँकी नै छ । संक्रमण आशंका भएमा नगरपालिकाले उनीहरूलाई राख्न क्वामीमा रहेको आयुर्वेदिक अस्पतालमा अक्सिजन सपोर्ट दिने गरी आइसोलेसन सेन्टर बनाएको मेयर गिरीले बताए ।
गिरीले भने, ‘यो अस्पताललाई रेस्क्यु सेन्टरको रूपमा प्रयोग गरिरहेका छौँ। संक्रमणको आशंका भएर यहाँ आउनेलाई अक्सिजन सपोर्ट दिएर पोखरा रिफर गर्ने गरेका छौँ ।’ हालसम्म ५/६ जनालाई यसरी पोखरा पठाउनुपरेको उनले जनाए । नगरपालिकामा एउटा मात्रै अस्पताल रहेको छ। चापाकोट हस्पिटलमा पछिल्लो समय हरेक दिनजसो औसतमा चार जनासम्म संक्रमित आउने गरेका छन् ।
अस्पतालका जनस्वास्थ्य निरीक्षक युवराज आचार्यले दिनमा २–४ जनासम्म बिरामी आउने गरेको बताए । सामान्य अवस्थाका बिरामीलाई अक्सिजन सपोर्ट दिने गरिएको उनको भनाइ छ । गम्भीर अवस्थाकालाई भने पोखरा रिफर गरिने गरिएको छ ।
१५ शय्याको अस्पताल भए पनि ७÷८ वटा शय्यामात्रै भएको कारण बिरामी बढेमा कठिनाइ हुने देखिन्छ । अस्पतालको आफ्नै भवन नहुँदा अहिले उपचारमा अप्ठ्यारो परेको हो। केही गम्भीर प्रकृतिका बिरामी भने आफैँ पनि पाल्पा, पोखरा उपचारका लागि जाने गरेका छन् ।
निरीक्षक आचार्यका अनुसार काठमाडौँ लगायत देशका विभिन्न स्थानमा निषेधाज्ञा जारी भएसँगै गाउँ गाउँमा संक्रमितको संख्या बढेको छ । यता नगरपालिकाका मेयर गिरी पनि १६ गतेपछि संक्रमितको संख्या बढ्नथालेको बताउँछन् ।
गिरीका अनुसार स्याङ्जाको पुतलीबजार नगरपालिकामा १५/२० जना संक्रमित छन् भने वालिङमा कोरोनाको प्रभाव झनै बढी छ । निषेधाज्ञा हुने भएसँगै उपत्यकालगायत विभिन्न सहरबाट गाउँ फर्किएकाहरूमा पनि संक्रमण देखिएको छ। यद्यपि नगरपालिकाले उनीहरूलाई घरमै क्वारेन्टाइनमा बस्न लगाएको मेयर गिरी बताउँछन् ।
क्याटेगोरी : बिबिध
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया