कञ्चनपुर ।
महाकाली नदीमा निर्माण भइरहेको चारलेनको पक्की पुलको निर्माणकार्य ७५ प्रतिशत सम्पन्न भएको छ । भीमदत्त नगरपालिका–१२ ओदालीमा निर्माण भइरहेको उक्त पुलको भौतिक प्रगति ७५ प्रतिशत सकिएको निर्माण कम्पनीले जनाएको छ । जिल्लामा वैशाख १६ गतेबाट निषेधाज्ञा जारी गरिएको भए पनि पुल निर्माण कम्पनीले भने स्वास्थ्यका सम्पूर्ण मापदण्ड पालना गरेर निर्माण कार्यलाई निरन्तरता दिएको छ ।
‘हाम्रो वरपर कोरोना महामारीको प्रभाव कायमै रहेको अवस्था छ, हामीले निर्माण कार्यलाई समयमै सम्पन्न गर्ने उद्देश्यअनुरूप निर्माणकार्य प्रभावित हुन दिएका छैनौं’ कुमार सीएसईसी जेभी कम्पनीका इन्जिनियर किशोरराज पाण्डेयले भने, ‘पुलको निर्माणकार्य समयमै सम्पन्न गराउनको लागि कम्पनी पुलको निर्माण कार्य गरिरहेको छ, केही आवश्यक ठाउँमा कामदार अभाव भए पनि पुल निर्माणको स्ल्याब हाल्ने तथा ढलान गर्ने कार्य चलिरहेको अवस्था छ ।’
यसअघि पनि कोरोना महामारीमा पुलको निर्माणकार्यलाई निरन्तरता दिइएको थियो । पुलमा निर्माण गर्नुपर्ने पुलको ३२ वटा स्लायाबमध्ये तीनवटा स्लायाब मात्रै निर्माण गर्न बाँकी रहेको अवस्था छ । यस्तै पुलको पहुँच मार्गको आठ किलोमिटरमध्ये तीन किलोमिटर कालोपत्रे भसकेको उनले बताए ।
यस्तै २०७८ साल फागुनसम्म योजनाको सम्पूर्ण काम सक्ने योजना निर्माण कम्पनीको छ । यसअघि २०७४ सालमा नै पूर्वप्रधानमन्त्री शेरवहादुर देउवाले चार लेन महाकाली पुलको शिलन्यास गरेपछि निर्माणको जिम्मा पाएको कुमार सीएसईसी जेभीले कोरोना महामारीको दोस्रो लहरका बीच लक्ष्यअनुसारको प्रगति गर्न नसकेको भए पनि निर्माणकार्यलाई तदारुकता दिएको जनाएको छ ।
महाकाली चारलेन पुल निर्माणको सम्झौता तीन अर्ब २७ करोड ९३ लाख ३४ हजारमा भएको थियो । सीमानाका गड्डा चौकीसम्म जोड्ने छ किलोमिटर र दोेधरा चाँदनी नगरपालिकाको चाँदनीतर्फ डेढ किलोमिटर चारलेनको पहुँच मार्गको निर्माण कार्य पनि अन्तिम चरणमा रहेको छ ।
निर्माण कम्पनीका अनुसार पुलको लम्बाई आठ सय मिटर र चौडाइ भने २३ दशमलव आठ मिटर रहेको छ । यस्तै उता गड्डाचौकी र भुजेला खोलामा पर्ने दुईवटा साना पुलको निर्माणकार्य सकिएको इन्जिनियर किशोरराज पाण्डेयले बताए । पुल निर्माण कार्य २०७४ भदौमा सुरु भएर २०७७ भदौमा सम्पन्न हुने भनिए पनि केही प्राविधिक कारण एक वर्ष थप गरी २०७८ जेठ १९ गतेसम्म समय तोकिएको निर्माण कम्पनीले जनाएको छ ।
क्याटेगोरी : बिबिध
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया